Gandhinagar Breaking News: રાજ્યસભાની 3 બેઠક માટે 24 જુલાઈએ ચૂંટણી, ભાજપનું મંથન શરૂ, જુઓ Video
રાજ્યસભાની ચૂંટણીને લઈને ભાજપ દ્વારા મંથન શરૂ કરવામાં આવ્યું છે. ભાજપ દ્વારા 4 ઝોનમાંથી 8 થી 12 નામની પેનલ બનાવામાં આવી છે. જ્ઞાતિગત સમીકરણોને આધારે પેનલ તૈયાર કરાઈ છે.
Gandhinagar: ગુજરાતમાં રાજ્યસભાની (Rajya Sabha) 3 બેઠક માટેની ચૂંટણીને લઈને કેન્દ્ર ચૂંટણી પંચ દ્વારા નોટિફિકેશન જાહેર કરાયું છે. ગુજરાતની 3 બેઠક માટે 24 જુલાઈએ ચુંટણી યાજાશે. રાજ્યસભાની ચૂંટણી મુદ્દે વિધાનસભાના અધ્યક્ષ શંકર ચૌધરીએ જણાવ્યું હતું કે રાજ્યસભાની ચૂંટણી બિનહરીફ થાય એવી શક્યતા છે.
ગુજરાતની 3 બેઠક માટે 13 જુલાઇ સુધી ઉમેદવારી ફોર્મ ભરી શકાશે. ત્રણ કરતા વધુ ફોર્મ આવશે તો મતદાન યોજાશે. તેમજ ત્રણ જ ફોર્મ ભરાશે તો બિનહરીફ જાહેર કરાશે. તેથી લગભગ 17 જુલાઇ સુધી ચિત્ર સ્પષ્ટ થઇ જશે.
આ પણ વાંચો Gujarat Weather forecast : આજે રાજ્યમાં જામનગર સહિતના જિલ્લાઓમાં ભારેથી અતિભારે વરસાદની આગાહી
રાજ્યસભાની ચૂંટણીને લઈને ભાજપ દ્વારા મંથન શરૂ કરવામાં આવ્યું છે. ભાજપ દ્વારા 4 ઝોનમાંથી 8 થી 12 નામની પેનલ બનાવામાં આવી છે. જ્ઞાતિગત સમીકરણોને આધારે પેનલ તૈયાર કરાઈ છે. ત્યારે ગુજરાતમાંથી એક બેઠક પર એસ જયશંકર યથાવત રહેવાની શક્યતા છે. તો અન્ય 2 ચેહરાઓ બદલાવાની શક્યતા છે.
દિલ્હી ખાતે 7 જુલાઈએ સંગઠનની બેઠક યાજાશે. આ બેઠકમાં મુખ્યમંત્રી ભૂપેન્દ્ર પટેલ, ભાજપ પ્રદેશ પ્રમુખ સી આર પાટીલ તથા સંગઠન મહામંત્રી રત્નાકર હાજર રહેશે. સંગઠનની બેઠક બાદ રાજ્યસભાની ચૂંટણીને લઈને અલગથી બેઠક થશે. જેમાં પેનલ રજૂ કરાશે.