ભરૂચ : શનિવારે ફરી એકવાર કમોસમી વરસાદે કહેર વર્તાવ્યો હતો.લગ્ન સીઝનમાં વિલન બનેલા વરસાદે લગ્ન સમારંભોમાં દોડધામ મચાવી હતી. ભરૂચ જિલ્લામાં શનિ-રવિ દરમિયાન મોટી સંખ્યામાંલગ્ન સમારંભ યોજાનાર છે ત્યારે વરસાદે આયોજકોની ચિંતામાં વધારો કર્યો હતો.
ભરૂચ – અંકલેશ્વરમાં પાર્ટી પ્લોટ પર લગ્ન સમારંભ દરમિયાન અચાનક મેઘરાજાએ એન્ટ્રી કરી હતી. અચાનક વાતાવરણમાં પલટા સાથે વરસાદ વરસતાં મહેમાનોએ દોડધામ કરી મૂકી હતી. આમતો કમોસમી વરસાદના બીજા રાઉન્ડની હવામાન વિભાગે આગાહી કરી જ હતી પણ દિવસ દરમિયાન વરસાદી માહોલ નજરે ન પડતાં ખુલ્લા પ્લોટ પાર લગ્ન સમારંભના આયોજન યથાવત રખાયા હતા પણ રાતે વરસાદ વિલન બન્યો હતો.
આ પણ વાંચો : ભરૂચ : વિરામ બાદ ફરી કમોસમી વરસાદ વરસ્યો,જુઓ વિડીયો