રાજ્યમાં સરકાર દ્વારા ગરીબો માટે પુષ્કળ કામ થઈ રહ્યા હોવાના દાવા કરાઈ રહ્યા છે. પરંતુ આ દાવાઓને બનાસકાંઠાના આ ગામના ઝૂંપડા જ ખોટા પાડી રહ્યા છે. સરકારી ચોપડે ગામમાં મકાન તો બોલે છે, પરંતુ હકીકતમાં ગામમાં એક પણ પાકું મકાન નથી.
આ પણ વાંચો દાંતીવાડા ડેમમાં લાશ ફેંકતા જ સ્થળ પર પોલીસ પહોંચી ગઈ, કાકાનુ મર્ડર કરનારો ભત્રીજો ઝડપાયો
દાંતાના તળેટી ગામના લોકો સરકારી યોજનાઓના લાભથી વંચિત છે. લોકોને રહેવા માટે પાકા મકાન નથી. તો પીવા માટે પાણી પણ કૂવામાંથી લાવવું પડે છે. દાંતાના કોંગ્રેસના ધારાસભ્ય કાંતિ ખરાડીએ પણ આ મુદ્દે સરકારને આડે હાથ લીધી છે. તેમનો દાવો છે કે, તેમણે અનેકવાર પાકા મકાન માટે રજૂઆતો કરી છે. પરંતુ, આવાસ ફળવાયા બાદ હપ્તા બારોબાર જ ઉપડી જાય છે અને વંચિતો લાભ વિના જ રહી જાય છે.
Published On - 11:13 pm, Sun, 3 December 23