બનાસકાંઠા જિલ્લામાંથી જૂની રદ થયેલી ચલણી નોટો ઝડપાઈ છે. વડગામના મોરિયા ધનાલી ગામેથી બનાસકાંઠા એલસીબીએ જૂની ચલણી નોટો સાથે બે શખ્શોની ધરપકડ કરી છે. બંને શખ્શો એક કાર લઈને જઈ રહ્યા હતા. જેને એલસીબીની ટીમ દ્વારા શંકાને આધારે રોકવામાં આવી હતી અને કારની તલાશી લેવામાં આવી હતી.
કારમાંથી 500 રુપિયાની રદ કરાયેલી 11,610 નોટો અને 1000 ના દરની 1699 નોટ મળી આવી હતી. આમ 75 લાખ 4 હજાર રુપિયાની કિંમતની નોટોને એલસીબીએ જપ્ત કરીને બંને શખ્શોને ઝડપી લીધા હતા. એલસીબીએ દાંતાના મહંમદપુરના રહેવાસી અસરફ દાઉદભાઈ મુમન અને દાંતાના ખેરોજના રહેવાસી હાર્દિક ઈદરીશભાઈ માકણોજીયાની ધરપકડ કરી હતી.
Published On - 6:44 pm, Sat, 6 July 24