અમદાવાદ : આરટીઓમાં સર્વર ડાઉન થવાની સમસ્યા, અરજદારોને પડી રહી છે હાલાકી

છેલ્લા બે દિવસથી વાહનવ્યવહાર વિભાગનું સર્વર ડાઉન રહેતા લાઇસન્સ અને વાહન ટ્રાન્સફરની કામગીરી ઠપ્પ થઇ ગઇ છે. સુભાષબ્રિજ, વસ્ત્રાલ અને બાવળા આરટીઓમાં મંગળવારે અરજદારોનો ધસારો રહ્યો હતો.

અમદાવાદ આરટીઓમાં સર્વર ડાઉન થવાની સમસ્યા ઉકેલાઈ છે. સર્વર શરૂ થતાં કામગીરી શરૂ કરી દેવાઈ છે. સર્વર ડાઉન થતાં લાયસન્સ સહિતની કામગીરી બે દિવસ માટે બંધ કરી દેવાઈ હતી. જેના કારણે અરજદારોને હાલાકીનો સામનો કરવો પડી રહ્યો હતો. અરજદારોના વાહન ટ્રાન્સફર, ડુપ્લીકેટ આરસી બુક સહિતના ઓનલાઈન કામો અટવાઈ ગયા હતા. ઘણા અરજદારો ધક્કા ખાઈને પાછા ફરવા મજબૂર બન્યા હતા. કેટલાક અરજદારોએ અપોઈન્મેન્ટની તારીખ બદલવી પડી હતી. તહેવાર સમયે જ અરજદારો કામ-ધંધા પર રજા પાડીને પોતાનું કામ પૂરું કરવા આવતા હોય છે. તેવા સમયે જ સર્વર ડાઉન થતા લોકોમાં રોષ જોવા મળ્યો હતો. અવાર-નવાર સર્વર ડાઉન થતા સમસ્યાનું કાયમી નિરાકરણ લાવવાની માંગ ઉઠી છે.

છેલ્લા બે દિવસથી વાહનવ્યવહાર વિભાગનું સર્વર ડાઉન રહેતા લાઇસન્સ અને વાહન ટ્રાન્સફરની કામગીરી ઠપ થઇ ગઇ છે. સુભાષબ્રિજ, વસ્ત્રાલ અને બાવળા આરટીઓમાં મંગળવારે અરજદારોનો ધસારો રહ્યો હતો.

છેલ્લા એક સપ્તાહથી અરજદારોની સંખ્યા રૂટિન કરતા બમણી થઇ ગઇ છે. છેલ્લા બે દિવસથી તો સર્વર ડાઉન રહેતા સુભાષબ્રિજ અને વસ્ત્રાલ આરટીઓમાં વાહન ટ્રાન્સફર, ડુપ્લિકેટ આરસી, લોન કેન્સલ અને લોન દાખલની ઓનલાઇન કામગીરી થઇ શક્તી નહીં હોવાથી આરટીઓમાં બે દિવસમાં રોજના બે હજારથી વધુ લોકોની અવરજવર રહી હતી. જેમાં 7 દિવસમાં નવા વાહનના પાસિંગની કામગીરી નહીં કરાવનાર અરજદારોને ભરવાની થતી રૂ. 500 લેટ ફી બે-બે કલાક ઉભા રહ્યા બાદ પણ ભરી શકાઇ નહોતી. આરટીઓ અધિકારીએ સર્વર સાંજે ચાલુ થઈ ગયાનો દાવો કર્યો હતો.

  • Follow us on Facebook

Click on your DTH Provider to Add TV9 Gujarati