100 કરોડ વેક્સિનેશનની અમદાવાદમાં જોરદાર ઉજવણી, મોદી માસ્ક પહેરીને કાર્યકર્તાઓ જોડાયા ઉજવણીમાં
દેશમાં કોરોના સામેની જંગ મજબુત બની છે. વેક્સિનેશનનો આંકડો 100 કરોડને પાર પહોંચી ગયો છે. ત્યારે તેની ઉજવણી અમદાવાદમાં પણ કરવામાં આવી હતી.
દેશમાં કોરોના રસીકરણનો આંકડો 100 કરોડને પાર કરી ગયો છે. ભારતમાં રસીકરણ કાર્યક્રમની સફળતાની ઠેર-ઠેર ઉજવણી થઈ રહી છે. જેની અસર ગુજરાતમાં પણ જોવા મળી. ગુજરાતમાં અનેક જગ્યાએ અલગ અલગ રીતે ઉજવણી કરવામાં આવી. ત્યારે અમદાવાદના શ્યામલ ચાર રસ્તા ખાતે ભાજપના 100 કાર્યકરોએ મોદી માસ્ક પહેરીને ઉજવણીમાં જોડાયા. ભારતના તમામ નાગરિકોને મફત રસી આપવા બદલ ભાજપ કાર્યકરોએ પીએમ મોદીનો આભાર માન્યો. આ થેન્ક યુ મોદીજી અભિયાનમાં મોટી સંખ્યામાં લોકો પણ સ્વયંભૂ જોડાયા હતા.
તમને જણાવી દઈએ કે 21 ઓક્ટોબર 2021 ના રોજ ભારતે 279 દિવસમાં કોરોનાની રસીના 100 કરોડ ડોઝનો આંકડો પાર કર્યો. આ દિવસે જ વડાપ્રધાને રામ મનોહર લોહિયા હોસ્પિટલની મુલાકાત દરમિયાન ડોકટરો અને ફ્રન્ટ લાઇન કામદારોને મળ્યા. કોરોના સામે નિર્ણાયક લડાઈ 16 જાન્યુઆરી 2021 ના રોજ કોરોના યોદ્ધાઓના સમર્પણ અને 10 મહિના પહેલા સરકારની પ્રતિબદ્ધતાના બળથી શરૂ થઈ હતી.
આ પણ વાંચો: Afghanistan : હેરાત પ્રાંતમાં તાલિબાન અને સશસ્ત્ર લોકો વચ્ચેની અથડામણમાં 17ના મોત
