Chhatrapati Sambhajinagar Breaking News : છત્રપતિ સંભાજીનગરમાં પૂર્વ વિદ્યાર્થીએ સ્કૂલમાં ઘૂસી ટીચર પર કર્યો છરીથી હુમલો ! જુઓ CCTV વિડીયો
મહારાષ્ટ્રના છત્રપતિ સંભાજીનગરમાં એક ભૂતપૂર્વ વિદ્યાર્થીએ શાળાની અંદર એક શિક્ષક પર છરીથી હુમલો કર્યો છે. આરોપી વિદ્યાર્થી 9માં ધોરણમાં નાપાસ થયા બાદ ટ્રાન્સફર સર્ટિફિકેટ મેળવવા માટે શાળામાં આવ્યો હતો. વિદ્યાર્થીના મનમાં પહેલેથી જ શિક્ષક પ્રત્યે ગુસ્સો હતો. કારણ કે તેને લાગતું હતું કે ટીચરે તેને જાણીબૂઝીને ફેલ કર્યો છે.
છત્રપતિ સંભાજીનગર શહેરની એક ખાનગી શાળાના ભૂતપૂર્વ વિદ્યાર્થીએ ટ્રાન્સફર સર્ટિફિકેટ અંગેના વિવાદમાં એક શિક્ષક પર છરીથી હુમલો કર્યો છે. આ હુમલામાં શિક્ષક ગંભીર રીતે ઘાયલ થયા છે. શિક્ષકને હોસ્પિટલમાં સારવાર હેઠળ ખસેડવામાં આવ્યા છે. જ્યાં તેમની સારવાર ચાલી રહી છે. પીડિતની ઓળખ પેઠે નગરના રહેવાસી વિશાલ ફ્રાન્સિસ ડુસિંગ તરીકે થઈ છે. વિશાલ લિટલ ફ્લાવર સ્કૂલમાં શિક્ષક તરીકે કામ કરે છે. વિદ્યાર્થીનો હુમલો સીસીટીવીમાં કેદ થયો છે.
#WATCH | Chhatrapati Sambhajinagar, Maharashtra | Chhavani Police Station Inspector Vivek Jadhav says, “In Chhatrapati Sambhajinagar, a student who failed his exams in 2023 and did not re-enrol for the next year unexpectedly visited Little Flower School, demanding his Transfer… pic.twitter.com/c8pbam09OS
— ANI (@ANI) June 30, 2026
પોલીસે ભૂતપૂર્વ વિદ્યાર્થી સામે કેસ દાખલ કર્યો છે.
સીસીટીવી ફૂટેજના આધારે, આરોપી ભૂતપૂર્વ વિદ્યાર્થી સામે કેસ દાખલ કરવામાં આવ્યો છે. પોલીસ આ મામલાની વધુ તપાસ કરી રહી છે. આરોપી છોકરો 17 વર્ષનો છે. પોલીસ ટીમ એ પણ જાણવાનો પ્રયાસ કરી રહી છે કે આ હુમલો સંપૂર્ણપણે પૂર્વયોજિત હતો કે પછી કોઈ વિવાદ દરમિયાન અચાનક કરવામાં આવ્યો હતો. સૂત્રો મુજબ, ભૂતપૂર્વ વિદ્યાર્થી શાળા પ્રશાસન પાસેથી તેનું ટ્રાન્સફર સર્ટિફિકેટ (ટીસી) લેવા આવ્યો હતો. આ દરમિયાન, તેનો શિક્ષક સાથે નજીવો ઝઘડો થયો. પછી દલીલ એટલી હદે વધી ગઈ કે વિદ્યાર્થીએ પોતાની પાસે રહેલી છરી કાઢી અને શિક્ષક પર હુમલો કર્યો. ઘટના પછી શાળા કેમ્પસમાં અરાજકતા ફેલાઈ ગઈ.
