Viral Video : ઘોડા પર સવાર થઈને આવ્યો લૂંટારો, મહિલાની બેગ છીનવીને ભાગ્યો; જુઓ વીડિયો

Follow us on

આજકાલના ચોર અને લૂંટારાઓ પણ ખૂબ જ અનોખા બની ગયા હોય તેમ લાગે છે. ચોર અને લૂંટારા દ્વારા ચોરી અને લૂંટ કરવાની રીત બદલાઈ ગઈ છે. પહેલાના જમાનામાં ચોર અને લૂંટારુઓ કોઈના પણ ઘરમાં ઘૂસીને તમામ સામાનની ચોરી કે લૂંટ ચલાવતા હતા, પરંતુ હવે લૂંટારાઓ નિર્ભય બની ગયા છે. કેટલાક ચોર હથિયારોના જોરે એકલા પણ ચોરી કરવા નીકળે છે. તમે આવા તો ઘણા ચોર અને લૂંટારુઓને જોયા હશે, જેઓ બાઇક પર આવે છે અને રસ્તામાં લોકોને લૂંટીને ભાગી જાય છે, પરંતુ આ જમાનામાં પણ તમે કોઈને ઘોડા પર સવારી કરીને લૂંટ કરતા જોયા છે?

આજકાલ આવો જ એક વીડિયો સોશિયલ મીડિયા પર ખૂબ વાયરલ થઈ રહ્યો છે, જેને જોઈને લોકો આશ્ચર્યચકિત થઈ ગયા છે. વાસ્તવમાં, એક ચોર ઘોડા પર સવાર થઈને આવે છે અને નિર્જન રસ્તે જઈ રહેલી મહિલાને લૂંટીને આરામથી નીકળી જાય છે. વીડિયોમાં તમે જોઈ શકો છો કે રાતનો સમય છે અને એક મહિલા નિર્જન વિસ્તારમાંથી ક્યાંક જઈ રહી છે, આ દરમિયાન ઘોડા પર સવાર એક વ્યક્તિ ત્યાં પહોંચે છે. તેને જોઈને મહિલા પાછળ ફરીને ભાગવાનો પ્રયાસ કરે છે, પરંતુ ચોર તેને ભાગવાની તક આપતો નથી. તે મહિલા પાસેથી બળજબરીથી તેની બેગ છીનવી લે છે અને આરામથી ત્યાંથી ભાગી જાય છે અને મહિલા બસ જોતી જ રહે છે.

જુઓ ઘોડા લૂંટારાનો આ વાયરલ વીડિયો

આ ઘટના વાસ્તવિક છે કે સ્ક્રિપ્ટેડ છે તે જાણી શકાયું નથી, પરંતુ એવું લાગે છે કે આ સમગ્ર ઘટનાનો વીડિયો ઉપરના પોલ પર લગાવેલા સીસીટીવી કેમેરામાં કેદ થઈ ગયો છે, જે સોશિયલ મીડિયા પર જલદી વાયરલ થઈ ગયો છે. આ ઘટના ક્યાં બની તે અંગે કોઈ માહિતી પ્રાપ્ત થઈ નથી.

આ વીડિયો સોશિયલ મીડિયા પ્લેટફોર્મ ટ્વિટર પર @HasnaZarooriHai નામની આઈડીથી શેર કરવામાં આવ્યો છે અને કેપ્શનમાં મજાકિયા રીતે લખવામાં આવ્યું છે કે છોકરીઓ વિચારે છે કે એક દિવસ તેમના સપનાનો રાજકુમાર ઘોડા પર બેસીને આવશે, જ્યારે વાસ્તવમાં કંઈક આવું થાય છે. લૂંટારુ ઘોડા પર સવાર થઈને આવે છે.