ભારે વરસાદ અને ત્યારબાદ આવેલા પૂરના કારણે દેશભરમાં તબાહી મચી ગઈ છે. ઘણા લોકોએ પોતાનું ઘર છોડવું પડ્યું છે, જ્યારે ઘણા લોકોએ કાયમ માટે પોતાનું ઘર ગુમાવ્યું છે. હકીકતમાં લોકોના ઘર પૂરમાં ધોવાઈ ગયા છે. પહાડી વિસ્તારોમાં તો સ્થિતિ ખરાબ કરતાં બદતર બની છે. પૂરના પાણીથી રસ્તાઓ પાણીમાં ગરકાવ થઈ ગયા છે.
આવી સ્થિતિમાં લોકો પોતાના જીવને હાથમાં લઈને ઘર છોડી રહ્યા છે. જો કે એવા ઘણા લોકો છે જે જાણીજોઈને પોતાને જોખમમાં મૂકે છે. આવો જ એક વીડિયો આજકાલ સોશિયલ મીડિયા પર વાઈરલ થઈ રહ્યો છે, જેમાં એક એવું ભયાનક દ્રશ્ય જોવા મળી રહ્યું છે કે જોઈને તમારા રૂવાંડા ઉભા થઈ જશે.
આ પણ વાંચો : Viral Video : Toofan કાર પર વિદ્યાર્થીઓની જોખમી સવારી, દાહોદનો ચોંકાવનારો Video થયો Viral
વાસ્તવમાં કેટલાક લોકો ભીષણ પૂરમાં પણ ‘ખતરો કે ખિલાડી’ બનવાની કોશિશ કરી રહ્યા હતા, પરંતુ તે પછી તેમની સાથે જે થયું તે હૃદયને હચમચાવી દે તેવું હતું. વીડિયોમાં તમે જોઈ શકો છો કે એક વાહન પર ઘણા લોકો સવાર છે. કેટલાક સીટ પર બેઠા છે, કેટલાક છત પર છે અને કેટલાક કારની પાછળ પણ લટકેલા છે. તેઓએ પુલ પાર કરીને જવાનું હતું, પરંતુ પુલ પર પૂરના પાણીનો પ્રવાહ ખૂબ જ વધારે હતો, પરંતુ તેમ છતાં ડ્રાઈવરે આ જોખમ ઉઠાવ્યું અને કાર લઈને નીકળી ગયો. હવે તેણે થોડાં ડગલાં આગળ ચાલ્યા હશે કે, પાણીનો જોરદાર પ્રવાહ કારને નદી તરફ ધકેલી દેવા લાગ્યો અને થોડી જ સેકન્ડોમાં કાર સીધી નદીમાં પડી. તેની સાથે જ બોર્ડમાં સવાર લોકો પણ ડૂબવા લાગ્યા હતા. તે ખૂબ જ ડરામણું દ્રશ્ય હતું.
રૂવાંડા ઉભા કરતો આ વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર ashishbijlwan234 નામની આઈડીથી શેર કરવામાં આવ્યો છે, જેને અત્યાર સુધીમાં 7 લાખથી વધુ વખત જોવામાં આવ્યો છે, જ્યારે આ ભયાનક દૃશ્ય જોઈને યુઝર્સે અલગ-અલગ પ્રતિક્રિયાઓ આપી છે.
કેટલાક કહે છે કે ‘શું આ જબરદસ્તીથી.. મૃત્યુને ગળે લગાવવા જેવું નથી’ તો કેટલાક કહે છે કે ‘ડરની સામે હંમેશા જીત નથી હોતી, ક્યારેક મૃત્યુ પણ થાય છે’. તેવી જ રીતે અન્ય એક યુઝરે લખ્યું છે કે, ‘જાણીને મોતને ગળે લગાવવું એ આને જ કહેવાય’, જ્યારે એકે લખ્યું છે કે, ‘આવો ગાંડો શોખ ન રાખશો ભાઈ’.