Viral Video: રાવણની જેમ હસે છે આ પોપટ, વિશ્વાસ ન આવે તો જોઈ લો

શું તમે ક્યારેય પોપટને હસતો જોયો છે? જો ના, તો અત્યારે જ જોઈ લો. હાલમાં એક વીડિયો સોશિયલ મીડિયા પર ખૂબ જ વાયરલ થઈ રહ્યો છે, જેમાં એક પોપટ રાવણની જેમ હસતો જોવા મળે છે. તમને જણાવી દઈએ કે, પોપટ તેની બોલવાની ક્ષમતા માટે જાણીતું છે.

પોપટની ખાસિયત એ છે કે, જો તે કોઈ પણ શબ્દ વારંવાર સાંભળે છે, તો તે તેને વારંવાર બોલવાનું શરૂ કરી દે છે. આ જ કારણ છે કે, તમને ઘણા ઘરોમાં પાલતુ પોપટ જોવા મળે છે.

પોપટનું ટેલેન્ટ બહાર આવ્યું

તાજેતરમાં વાયરલ થયેલા એક વીડિયોમાં, એક પોપટે એવું ટેલેન્ટ બતાવ્યું છે કે, જેની કોઈએ કલ્પના પણ ન કરી હોય. ઇન્સ્ટાગ્રામ હેન્ડલ @passaros.exoticosbr પર શેર કરાયેલા આ વીડિયોમાં પોપટ રાવણની જેમ હસતો જોવા મળે છે. પોપટ વીડિયોમાં જે રીતે હસી રહ્યો છે, તે જોઈને દરેક લોકો આશ્ચર્યમાં મુકાયા છે. આ પોસ્ટને અત્યાર સુધીમાં 2 લાખ 81 હજારથી વધુ લોકોએ લાઈક કરી છે અને કોમેન્ટ સેક્શન તો રમુજી કોમેન્ટ્સથી ભરાઈ ગયું છે.

યુઝર્સની ગજબ પ્રતિક્રિયા

એક યુઝરે ટિપ્પણી કરી કે, આ પોપટ આટલો જોરથી કેમનો હસે છે?, જ્યારે બીજા યુઝરે લખ્યું કે, પહેલી વાર મે કોઈ પોપટને માણસની જેમ હસતાં જોયો. અન્ય એક યુઝરે કહ્યું, ઓ ભાઈસાબ! મને આવો પોપટ ક્યાં મળશે? કોઈ મને પણ આવો એક પોપટ લઈ આપો.

આવા વીડિયો અન્ય ચેટ કે એપ્સ દ્વારા વારંવાર શેર કરવામાં આવતા હોવાથી આવી ક્લિપ્સ ઝડપથી ફેલાઈ જાય છે. મોટાભાગના વાયરલ વીડિયોમાં મજા પડતી હોય છે. આવા જ વાયરલ વીડિયો જોવા માટે અહીં ક્લિક કરો.