Viral Video: ચિમ્પાન્ઝી પરિવાર બચ્ચા સાથે રમતો જોવા મળ્યો, વીડિયો જોઈ તમારા ચહેરા પર પણ છલકાઈ જશે સ્મિત
ચિમ્પાન્ઝી માણસોની જેમ જ પરિવાર સાથે સમય વિતાવતા જોવા મળે છે. ચિમ્પાન્ઝી જે રીતે પોતાની લાગણીઓ વ્યક્ત કરતી વખતે નાના બાળક સાથે રમી રહ્યો છે તે જોઈને તમને એવું લાગશે કે જાણે કોઈ વ્યક્તિ તેના બાળક સાથે રમી રહ્યો હોય.
માણસ હોય કે પ્રાણીઓ, દરેક વ્યક્તિને પોતાનો પરિવાર વ્હાલો હોય છે. તમે મોટાભાગના પ્રાણીઓને બચ્ચાં થાય પછી તે માતા સાથે દેખાય છે અથવા તો પિતા સાથે જોવા મળે. એવું ભાગ્યે જ જોવા મળતું હોય કે પ્રાણીઓ પરિવારની જેમ સમય પસાર કરે. તાજેતરમાં, ચિમ્પાન્ઝી પરિવારનો (Viral Video of Chimpanzee family) એક વીડિયો સોશિયલ મીડિયા (Social Media) પર ખૂબ વાયરલ થઈ રહ્યો છે, જેમાં માતા-પિતા અને બાળક સાથે મસ્તી કરતા જોવા મળે છે.
આ ખૂબ જ સુંદર વીડિયો કોઈ જંગલનો છે, જેમાં ચિમ્પાન્ઝી માણસોની જેમ જ પરિવાર સાથે સમય વિતાવતા જોવા મળે છે. ચિમ્પાન્ઝી જે રીતે પોતાની લાગણીઓ વ્યક્ત કરતી વખતે નાના બાળક સાથે રમી રહ્યો છે તે જોઈને તમને એવું લાગશે કે જાણે કોઈ વ્યક્તિ તેના બાળક સાથે રમી રહ્યો હોય.
A family that plays together,
Stays together💕 pic.twitter.com/adzvVyqNu0— Susanta Nanda IFS (@susantananda3) November 12, 2021
IFS સુશાંત નંદાએ (Sushanta Nanda) પોતાના ટ્વિટર (Twitter) એકાઉન્ટથી આ વીડિયો શેર કર્યો છે. ચિમ્પાન્ઝી જે રીતે માત્ર 20 સેકન્ડમાં પરિવાર સાથે રમી રહ્યો છે તે ખૂબ જ રમુજી છે. વીડિયોમાં એક ચિમ્પાન્ઝી જમીન પર છે, તેની ઉપર એક નાનું બાળક સૂતેલું છે. તે જ સમયે, ત્રીજો ચિમ્પાન્ઝી તેને ખૂબ પ્રેમથી ગળે લગાવતો જોવા મળે છે. વીડિયોને જોતા એવું લાગે છે કે તેમાં એક ચિમ્પાન્ઝી અને તેના માતા-પિતા છે, જેઓ પરિવાર સાથે સારો સમય વિતાવી રહ્યા છે. વીડિયોના કેપ્શનમાં લખ્યું છે- જે પરિવાર સાથે રમે છે, તે પરિવાર સાથે રહે છે.
આ વીડિયોને અત્યાર સુધીમાં 50 હજારથી પણ વધુ વ્યૂઝ મળી ચૂક્યા છે. આ સંખ્યા સતત વધી રહી છે. આ વીડિયોને હવે હજારો લોકોએ લાઈક કર્યો છે, સેંકડો લોકોએ તેને રીટ્વીટ કર્યો છે. વીડિયોને જોઈને લોકો પણ પોતાની પ્રતિક્રિયા આપી રહ્યા છે. એક યુઝરે લખ્યું છે – જે લોકો કહે છે કે પ્રાણીઓમાં લાગણીઓ નથી હોતી, આ જોયા પછી તેમને ખબર પડશે કે તેઓ માણસો કરતા વધારે પ્રેમ કરે છે. બીજી તરફ અન્ય એક યુઝરે કમેન્ટ કરી છે કે આ વિડીયો ખુબ જ ક્યૂટ છે.