Viral Video: છોકરો અને છોકરી ચાલતી સ્કૂટી પર નહાવા લાગ્યા, વીડિયો જોઈને લોકો ભડક્યા, જુઓ વીડિયો

Couple Takes Bath On Scooty: સૂરજદાદાએ પોતાનું વલણ બાતાવ્યું તો કેટલાક લોકોએ હાસ્યાસ્પદ કૃત્યો કરવા માંડ્યા છે. માનીએ કે ગરમી ખૂબ જ વધારે છે, તો શું તમે સ્કૂટી પર જ સ્નાન કરશો? આ દિવસોમાં સોશિયલ મીડિયા પર વાયરલ થયેલી એક વીડિયો (Viral Video) ક્લિપને જોઈને યુઝર્સ કંઈક આવી જ કોમેન્ટ કરી રહ્યા છે. તેમાં એક છોકરો અને એક છોકરી ચાલતી સ્કૂટી પર નહાતા જોઈ શકાય છે. આ વિચિત્ર કૃત્ય મુંબઈ નજીક થાણેમાં થયું હતું. પોલીસે બંને સામે ગુનો નોંધ્યો છે.

કપલને ચાલતી સ્કૂટી પર નહાતા જોઈ શકાય છે

વાયરલ વીડિયોમાં તમે એક કપલને ચાલતી સ્કૂટી પર નહાતા જોઈ શકો છો. છોકરો સ્કૂટી ચલાવી રહ્યો છે, જ્યારે પાછળ બેઠેલી છોકરી ડોલમાંથી પાણી કાઢીને ક્યારેક પોતાના પર તો ક્યારેક છોકરા પર નાખે છે. જો કે જેણે પણ આ વિચિત્ર નજારો જોયો તે ચોંકી ગયો. પહેલા તો તમને લાગશે કે કપલે ગરમીને હરાવવાનો આ અનોખો રસ્તો શોધી કાઢ્યો હશે. પણ અમે કહીએ છીએ ભાઈ, ઈન્સ્ટા રીલના જમાનામાં કંઈ પણ શક્ય છે.

અહીં જુઓ ચાલતી સ્કૂટી પર નહાતા કપલનો વીડિયો

આ પણ વાંચો : Video જોઈ ધબકારા ચૂકી જશો ! યુવક પર હુમલો કરવા જ જઈ રહ્યો હતો મગર, છેલ્લી ઘડીએ આવી રીતે બચ્યો જીવ

@ItsAamAadmi હેન્ડલથી ટ્વિટર પર શેર કરવામાં આવેલ વિડિયોને અત્યાર સુધીમાં ચાર હજારથી વધુ વ્યૂ મળી ચૂક્યા છે, જ્યારે ઘણા લોકોએ કમેન્ટ કરી છે. થાણે પોલીસ અને ડીજીપી મહારાષ્ટ્રને ટેગ કરીને યુઝરે પૂછ્યું છે કે શું મનોરંજનના નામે આવી મૂર્ખતાની મંજૂરી છે? આ સાથે યુઝરે જણાવ્યું કે આ ઘટના ઉલ્હાસનગર સેક્ટર 17ની છે.

હેલ્મેટ ન પહેરવા અને પોતાનો જીવ જોખમમાં મૂકવાનો કેસ નોંધવામાં આવ્યો

વીડિયોમાં દેખાતા યુવકની ઓળખ 32 વર્ષીય આદર્શ શુક્લા તરીકે થઈ છે. જો કે, આ મામલો વાયરલ થતાં જ થાણે પોલીસ એક્શનમાં આવી ગઈ છે અને હવે આદર્શ સામે કાર્યવાહી કરી રહી છે. મીડિયા રિપોર્ટ્સ અનુસાર, આદર્શ વિરુદ્ધ હેલ્મેટ ન પહેરવા અને પોતાનો જીવ જોખમમાં મૂકવાનો કેસ નોંધવામાં આવ્યો છે.