Viral resume: દરેક વ્યક્તિ ઈચ્છે છે કે જ્યારે તેનો અભ્યાસ પૂરો થાય ત્યારબાદ તેના હાથમાં એક સારી નોકરી હોય. કોઈ વ્યક્તિ પોતાને બેરોજગાર જોવા નથી માંગતો. તેથી જ દરેક વ્યક્તિ પોતાની સ્કિલસ, ટેલેન્ટ અને અનુભવમાં વધારો કરતું રહે છે. આજકાલ લોકોને તેમની પસંદની નોકરી નથી મળતી. સારી અને સાચી નોકરી શોધવી એટલી સહેલી પણ નથી. હાલમાં આ કામને સરળ બનાવવા માટે અનેક પ્લેટફોર્મ આવી ગયા છે. જેમ કે લિંકડિન, નોકરી ડોટ કોમ વગેરે. આ પ્લેટફોર્મ પર લોકો પોતાની પ્રોફાઈલ બનાવી પોતાનો અનુભવ અને સ્કિલસ લોકોને બતાવતા હોય છે. અનેક કંપનીઓ તેમની પ્રોફાઈલ જોઈ તેમને નોકરીની ઓફર પણ કરતા હોય છે અને લોકો કંપનીની ખાલી જગ્યા માટે એપ્લાઈ પણ કરતા હોય છે. હાલમાં સોશિયલ મીડિયા પર એક વર્ક પ્રોફાઈલ વાયરલ (Viral Work Profile) થઈ છે. જેને જોઈ તમે આશ્ચર્યમાં મુકાઈ જશો કે આ વ્યક્તિ કેટલો હોંશિયાર છે પણ ધ્યાનથી જોશો તો તમને ખબર પડશે કે લોકો આ પ્રોફાઈલ જોઈ હસી કેમ રહ્યા છે.
આ વાયરલ પ્રોફાઈલને એક નજરમાં જોઈને તમે સમજી શકશો નહીં કે આટલો સક્ષમ માણસ હજુ પણ કેમ બેરોજગાર છે. તેણે લખ્યુ છે કે, તેણે ફેસબુક, એમેઝોન, નેટફ્લિક્સ, ગૂગલ અને એપલ જેવી મોટી કંપનીઓ માટે કામ કર્યું છે અને તેને અહીં કામ કરવાનો અનુભવ છે. તેણે તેની લિંક્ડઈન પ્રોફાઈલમાં પોતાનો બાયોડેટા શેર કર્યો છે. આ પ્રોફાઈલને ધ્યાનથી વાંચો ત્યારે તમને સમજાશે કે આ પ્રોફાઈલ કેમ વાયરલ થઈ રહી છે.
તમે આ પ્રોફાઈલને ધ્યાનથી જોશો તો તમને સમજાશે કે તે હજુ સુધી આ બધી કંપનીમાં કામ કરી રહ્યો છે. તે આ કંપનીઓમાં વાસ્તવિક રીતે કામ નથી કરતો અને ન તેને કોઈ પગાર મળે છે ને તો એ આટલો ટેલેન્ટેડ છે. પણ હા આ વ્યક્તિનું સેન્સ ઓફ હ્યૂમર ખુબ જોરદાર છે. આ વ્યક્તિનું નામ લેન માર્કિડન છે. તે આ કંપનીઓમાં કામ ન હોતો કરતો પણ તે આ કંપનીઓ સાથે જોડાયેલો છે. જેમ કે, તે પોતાના પરિવારના 5 સભ્યોના નેટફિલ્કસ એકાઉન્ટ મેનેજ કરે છે અને કઈ ફિલ્મો જોવી તેની સલાહ પણ આપે છે. તમે પ્રોફાઈલ બરાબર વાંચશો તો દરેક કંપનીમાં આવા રમૂજી કામ તમને જોવા મળશે.