Viral Video: આ વીડિયો જોઈને કદાચ તમે શાકભાજી ખાતા બે વાર વિચારશો ! ગટરના પાણીથી શાકભાજી ધોતો જોવા મળ્યો ફેરિયો, જુઓ VIDEO

લીલા શાકભાજી ખાવા સ્વાસ્થ્ય માટે ખૂબ જ ફાયદાકારક છે. આનાથી ઘણી બીમારીઓથી રાહત મળે છે. ઘણીવાર દુકાનદારો શાકભાજીને લીલું રાખવા માટે તેના પર પાણી છાંટતા હોય છે. આ સિવાય દુકાનદારો શાકભાજીને સારી રીતે ધોઈને વેચે છે, જેથી શાકભાજી તાજી રહે.

આ પણ વાંચો: Viral Video: તમે પણ ઘરમાં પાલતુ બિલાડી રાખતા હોય તો સાવધાન, બિલાડીએ માલિક પર જ કર્યો હુમલો

ઘણી વખત આવા દુકાનદારો પણ જોવા મળ્યા છે જેઓ બગડેલા શાકભાજીને ધોઈને વેચે છે અથવા ગ્રાહકોની આંખમાં ધૂળ નાખીને વેચે છે. આવો જ એક વીડિયો હાલ ફરી વાયરલ થઈ રહ્યો છે, જેમાં શાકભાજી વેચનાર એવું કામ કરતો જોવા મળી રહ્યો છે કે તમે ગુસ્સે થઈ જશો. જો કે આ વીડિયો તાજેતરનો નથી પરંતુ ઘણો જૂનો છે.

ગટરમાં શાકભાજી ધોવાનો વીડિયો વાયરલ

દુકાનદાર અને ગ્રાહક વચ્ચેનો સંબંધ વિશ્વાસનો છે. ગ્રાહકો તેમની રીત અને ગુણવત્તા જોઈને જ દુકાનદારો પાસેથી સામાન ખરીદે છે. સોશિયલ મીડિયા પર વાયરલ થઈ રહેલો આ વીડિયો દુકાનદાર અને ગ્રાહક વચ્ચેના સંબંધ પર શંકા કરવા જેવો લાગે છે. આ વીડિયોમાં એક શાકભાજી વાળો ગટરમાં શાકભાજી ધોતા જોવા મળે છે. આ શાકભાજી વાળો શેરીના કોંક્રીટના રસ્તા પર બનેલી ગટરમાં શાકભાજી ધોતો અને રેકડી પર રાખતો જોવા મળે છે.

ગંદા પાણીથી ધોઈને શાકભાજીને રેકડીમાં નાખે છે

આ શાકભાજી વિક્રેતા તે ગટરમાં ટામેટાં, મરચાં અને અન્ય ઘણી શાકભાજી નાખીને તેની સફાઈ કરતો જોવા મળે છે. પહેલા આ શાકભાજી વેચનાર ટામેટાં અને કોબીને તે ગટરના ગંદા પાણીથી ધોઈને બાકીના શાકભાજીની સાથે રેકડીમાં નાખે છે. આ નાળામાં હજુ પણ લીલા મરચાં, કોબીજ અને અન્ય અનેક પ્રકારની શાકભાજી તરતી જોઈ શકાય છે.

તમને જણાવી દઈએ કે સોશિયલ મીડિયા પર વાયરલ થઈ રહેલો આ વીડિયો ઘણો જૂનો છે. આ વીડિયો માર્ચ 2020નો છે જેને @igopalgoswami Twitter એકાઉન્ટ પરથી રીટ્વીટ કરવામાં આવ્યો છે. આ ઘટના મહારાષ્ટ્રના ભિવંડીની છે. આ કેસમાં આરોપી વ્યક્તિ વિરુદ્ધ આઈપીસીની કલમ 273 હેઠળ કેસ પણ નોંધવામાં આવ્યો હતો.

વાયરલ અને ટ્રેન્ડિંગના તમામ સમાચાર વાંચવા માટે અહીં ક્લિક કરો