Trending Video : સિક્કા ગણતા-ગણતા શોરૂમ વાળા થાકી ગયા ! ₹10 ની નાની બચતે પૂરું કર્યું પાદરીનું નવું ટૂ-વ્હીલર ખરીદવાનું સ્વપ્ન

તેલંગાણાના મંચેરિયલ જિલ્લાના લક્ષ્મીપેટમાં રહેતો ચર્ચનો પાદરી રવિ જોસેફે બચતનું અનોખું ઉદાહરણ પૂરું પાડ્યું છે. તે ત્રણ વર્ષ સુધી ₹10ના સિક્કા એકઠા કરતો હતો અને આ રીતે કુલ ₹1.23 લાખની બચત કરી. આ રકમનો ઉપયોગ કરીને તેણે નવું ટૂ-વ્હીલર ખરીદ્યું. રવિ જોસેફની બચત કરવાની રીત ખૂબ જ સરળ હતી. તેઓ શાકભાજી, કરિયાણું અને રોજિંદા જીવનમાં જરૂરી અન્ય વસ્તુઓની ખરીદી કરતો હતો. ખરીદી કર્યા બાદ તેની પાસે બચતા ₹10ના સિક્કા ખર્ચવાને બદલે તેઓ અલગથી જમા કરતો હતો. આ રીતે દરરોજ થતી તેની નાની બચત ધીમે-ધીમે મોટી રકમમાં પરિવર્તિત થઈ. આ વીડિયો સોશિયલ મીડિયા X પર @sudhakarudumula દ્વારા શેર કરવામાં આવ્યો છે.

ત્રણ વર્ષ સુધી સતત સિક્કા એકઠા કરતો રહ્યો

ત્રણ વર્ષ સુધી સતત સિક્કા એકઠા કર્યા બાદ જ્યારે તે પોતાની બચતની ગણતરી કરી, ત્યારે કુલ રકમ ₹1.23 લાખ થઈ હતી. આટલી મોટી રકમ એકઠી થતાં તેમણે પોતાની જરૂરિયાત પૂરી કરવા માટે નવું ટૂ-વ્હીલર ખરીદવાનો નિર્ણય લીધો. રવિ જોસેફની આ વાત દર્શાવે છે કે બચત માટે હંમેશાં મોટી રકમથી શરૂઆત કરવી જરૂરી નથી. રોજિંદા ખર્ચમાંથી બચતા થોડા પૈસા પણ જો નિયમિત રીતે અલગ રાખવામાં આવે, તો સમય જતાં નોંધપાત્ર રકમ એકઠી થઈ શકે છે. આજના સમયમાં વધતા ખર્ચ વચ્ચે તેની આ આગેવાની લોકોને બચતની ટેવ વિકસાવવા માટે પ્રેરણા આપે છે. યોગ્ય આયોજન, ધીરજ અને નિયમિત બચત દ્વારા નાનાં નાણાંથી પણ મોટું લક્ષ્ય હાંસલ કરી શકાય છે.

વાત ટૂ-વ્હીલરની છે, પરંતુ સંદેશ બચતનો

આજના સમયમાં જ્યારે ખર્ચાની યાદી સતત લાંબી થતી જાય છે, ત્યારે બચત કરવી ઘણા લોકો માટે મુશ્કેલ બની જાય છે. ઘરનું કરિયાણું, વીજળીનું બિલ, બાળકોની ફી અને રોજિંદી જરૂરિયાતો પૂરી કર્યા પછી પૈસા બચાવવા સહેલું નથી. આવા સમયે રવિ જોસેફની કહાની એક સરળ વાત યાદ અપાવે છે કે પોતાની આવક અને જરૂરિયાતોને ધ્યાનમાં રાખીને બચત કરવાની એવી રીત પસંદ કરો, જેને લાંબા સમય સુધી ચાલુ રાખી શકાય.

જુઓ Video

આ પણ વાંચો, Trending Video : ‘જોની-જોની યસ પાપા, જ્ઞાનેશ કુમાર નો પાપા…’ મમતા બેનર્જીનો વીડિયો વાયરલ