Trending Video: જિંદગી સસ્તી કે સફરની મજબૂરી ? ટ્રેનની પટરીઓથી લઈને થાંભલા સુધી લટક્યા મુસાફરો, દૃશ્યો જોઈને રૂવાડાં ઊભા થઈ જશે
સોશિયલ મીડિયા પર એક એવો વાયરલ વીડિયો સામે આવ્યો છે કે, જેને જોઈને કોઈના પણ હોશ ઊડી જાય. ટ્રેનમાં ઠસોઠસ ભીડ હોવાને કારણે લોકો પોતાની જાન જોખમમાં મૂકીને થાંભલા અને દરવાજા પર લટકીને મુસાફરી કરવા મજબૂર બન્યા છે. આ વીડિયોમાં મુસાફરોની એવી લાચારી અને બેદરકારી જોવા મળી છે કે, જે કોઈના પણ રૂવાડાં ઊભા કરી શકે છે.
સોશિયલ મીડિયાની દુનિયામાં એકથી એક અનોખા વીડિયો (Trending Video) શેર થતા રહે છે. કેટલાક વીડિયો એવા હોય છે કે, જેને જોઈને લોકોને પોતાની આંખો પર વિશ્વાસ કરવો મુશ્કેલ થઈ જાય છે. આ સિવાય ઘણી એવી તસવીરો અને વીડિયો જોવા મળે છે, જે માણસને વિચારવા પર મજબૂર કરી દે છે.
તાજેતરમાં બાંગ્લાદેશથી એક એવો વીડિયો સામે આવ્યો છે કે, જેને જોઈને તમે તમારા ‘આંગળા’ દાંત વચ્ચે દબાવી લેશો. ઈન્ટરનેટ પર ઝડપથી વાયરલ થઈ રહેલા આ વીડિયોમાં મુસાફરોની એવી લાચારી અને બેદરકારી જોવા મળી છે, જે કોઈના પણ રૂવાડાં ઊભા કરી શકે છે.
રેલવે સ્ટેશનનું ભયાનક દ્રશ્ય દેખાયું
વાયરલ થઈ રહેલા આ 21 સેકન્ડના વીડિયોમાં એક રેલવે સ્ટેશનનું ભયાનક દ્રશ્ય દેખાઈ રહ્યું છે. ટ્રેન ડબ્બાઓથી લઈને છત સુધી ઠસોઠસ ભરેલી છે. અંદર જગ્યા ન મળવાને કારણે લોકો ટ્રેનની બહાર લાગેલા થાંભલાઓ, લોખંડના પાઈપો અને દરવાજા પર કરોળિયાની જેમ ચોટેલા જોવા મળી રહ્યા છે.
Wtaf is Going on in Kanglu Nation?? pic.twitter.com/bcJEnD7Eod
— Ghar Ke Kalesh (@gharkekalesh) September 7, 2026
હદ તો ત્યારે થઈ જાય છે, જ્યારે લોકો છત પર પહોંચવા માટે સ્ટેશનના પોલ અને થાંભલા પર લટકી-લટકીને ઉપર ચડી રહ્યા છે. આ જોખમી મુસાફરીમાં માત્ર યુવાનો જ નહીં પરંતુ મહિલાઓ અને બાળકો પણ પોતાનો જીવ જોખમમાં મૂકતા દેખાઈ રહ્યા છે. ટ્રેનની નીચે પટરીઓ પર સામાન વિખરાયેલો પડ્યો છે અને લોકો એકબીજાને ખેંચીને ઉપર ચડાવવાની હોડમાં લાગેલા છે.
કેમેરામાં કેદ થયું ‘ખતરનાક દ્રશ્ય’
વીડિયો જોઈને એક ક્ષણ માટે તમે પણ જરૂર સહેમી ગયા હશો. વિચારતા હશો કે, આ તો ખરેખર હદ છે. હવે આ વીડિયો સોશિયલ મીડિયા પર છવાયેલો છે. X પર આ વીડિયો gharkekalesh નામના પેજ પરથી શેર કરવામાં આવ્યો છે. વીડિયોને અત્યાર સુધીમાં લાખો લોકો જોઈ ચૂક્યા છે. એટલું જ નહીં વીડિયો પર લોકો જમકે કોમેન્ટ પણ કરી રહ્યા છે.
ઘણા યુઝર્સે આને રેલવે પ્રશાસનની ભારે નિષ્ફળતા ગણાવી, તો કેટલાકે આને મુસાફરોની મજબૂરી ગણાવી. એક યુઝરે કટાક્ષ કરતા લખ્યું કે, આ ટ્રેનની મુસાફરી છે કે કોઈ પોલ ડાન્સિંગની કોમ્પિટિશન? લોકો પોતાનો જીવ હથેળી પર રાખીને ફરી રહ્યા છે. બીજા એક યુઝરે લખ્યું કે, જો કોઈ એક માણસ પણ થાંભલા પરથી લપસ્યો તો મોટો અકસ્માત થઈ શકે છે. આવી બેદરકારી પર સખત કાર્યવાહી થવી જોઈએ.
