Trending Video : દેશભક્તિના નામે ખતરનાક સ્ટંટ ! મુંબઈ લોકલમાં તિરંગા સાડી પહેરી યુવતીઓએ બનાવી રીલ

મુંબઈ પશ્ચિમ રેલ્વે લોકલ ટ્રેનમાં બે છોકરીઓનો ખતરનાક સ્ટંટ કરતો વીડિયો સોશિયલ મીડિયા પર ઝડપથી વાયરલ થઈ રહ્યો છે. સ્વતંત્રતા દિવસ પહેલા બનાવેલા આ વીડિયોમાં, તેઓ રીલ બનાવતી વખતે ટ્રેનના ગેટ પર લટકતી જોવા મળે છે.

મુંબઈ પશ્ચિમ રેલ્વે લોકલ ટ્રેનમાં બે છોકરીઓનો ખતરનાક સ્ટંટ કરતો વીડિયો વાયરલ થયો છે. તિરંગા રંગની સાડી પહેરીને તેઓએ રીલ બનાવી હતી. ચાલતી ટ્રેનના ગેટ પર લટકતી 2 યુવતી જોવા મળે છે. સ્વતંત્રતા દિવસ પહેલાં બનાવવામાં આવેલો આ વીડિયો સોશિયલ મીડિયા પર ચર્ચામાં છે અને તેણે રેલવે સુરક્ષાને લઈને ગંભીર સવાલો ઊભા કર્યા છે.

2 યુવતીઓ ચાલતી ટ્રેનના દરવાજા પર ઊભી હતી

વાયરલ વીડિયોમાં સ્પષ્ટ જોઈ શકાય છે કે 2 યુવતીઓ ચાલતી ટ્રેનના દરવાજા પર ઊભી છે. બહારની તરફ નીકળીને ખતરનાક રીતે વીડિયો શૂટ કરે છે. આ દરમિયાન બેકગ્રાઉન્ડમાં ‘આઈ લવ માય ઈન્ડિયા’ ગીત વાગી રહ્યું છે. વીડિયો 15 ઓગસ્ટના દેશભક્તિના અંદાજમાં બનાવવામાં આવ્યો છે. પરંતુ આ દરમિયાન અપનાવવામાં આવેલી રીત લોકોની ચિંતા વધારી રહી છે.

જીવલેણ સાબિત થઈ શકે છે વીડિયો શૂટ કરવો

ચાલતી ટ્રેનના દરવાજા પર આ રીતે સ્ટંટ કરવો અથવા વીડિયો શૂટ કરવો જીવલેણ સાબિત થાય છે. આવી સ્થિતિમાં આ વીડિયોએ રેલવે સુરક્ષાને લઈને અનેક સવાલો ઊભા કર્યા છે. રેલવે અને સરકાર સતત મુસાફરોને અપીલ કરતી હોય છે કે ચાલતી ટ્રેનના દરવાજા પર આ પ્રકારના ખતરનાક સ્ટંટ કે રીલ ન બનાવે. મુસાફરોને ટ્રેનની અંદર સુરક્ષિત રહેવા અને રેલવેના તમામ સુરક્ષા નિયમોનું પાલન કરવા વારંવાર સૂચના આપવામાં આવે છે. છતાં લોકો માનતા નથી.

Mumbai – A video of women hanging from the open door of a moving Western Railway local train while lip-syncing to the patriotic song “I Love My India” has gone viral on social media ahead of Independence Day on August 15. In the clip, the women are seen standing at the doorway of… pic.twitter.com/Gf4ZfnTwKx

— NextMinute News (@nextminutenews7) August 14, 2026

આ પણ વાંચો, Trending Video : ભુખ્ખડ પાકિસ્તાનમાં સ્વતંત્રતા દિવસની ઉજવણીમાં કેક ખાવા માટે મચી લૂંટફાટ ! જુઓ Video