Trending Video : કંપનીએ કર્મચારીઓની ડેસ્ક પર મૂક્યું એવું દિવાળી ગિફ્ટ કે સોનપાપડી ખાનારા યુઝર્સ બોલ્યા, લાગે છે…
સોશિયલ મીડિયા પર એક વીડિયો ઝડપથી વાયરલ થઈ રહ્યો છે. આ વીડિયોમાં એક કંપનીની ઓફિસ જોવા મળે છે. જ્યાં કર્મચારીઓની ડેસ્ક પર અલગ-અલગ રંગના સ્માર્ટફોનનાં બોક્સ મૂકવામાં આવ્યાં છે.
આજકાલ સોશિયલ મીડિયા પર દિવાળીના અવસર પર દરેક કોર્પોરેટ કર્મચારી પોતાની ઓફિસની ગિફ્ટ અને ઉજવણીની રીલ શેર કરી રહ્યો છે. કોઈ મીઠાઈ બતાવીને પોતાની ખુશી વ્યક્ત કરી રહ્યું છે તો કોઈ દિવાળી પર મળેલી ભેટનો વીડિયો પોસ્ટ કરી રહ્યું છે. પરંતુ હાલમાં ઇન્ટરનેટ પર એક એવો વીડિયો વાયરલ થઈ રહ્યો છે, જેને જોઈને અનેક કોર્પોરેટ કર્મચારીઓને ઈર્ષ્યા થઈ રહી છે. વીડિયોમાં એક કંપનીની ઓફિસમાં કર્મચારીઓની ડેસ્ક પર દિવાળીની ભેટ મૂકવામાં આવી છે. આ ભેટ જોઈને કર્મચારીઓ પણ આશ્ચર્યચકિત થઈ જાય છે. આ ગિફ્ટ બીજું કંઈ નહીં, પરંતુ એક મોંઘો સ્માર્ટફોન છે. વીડિયો જોઈને લોકો કહી રહ્યા છે કે અમારી કંપનીએ તો માત્ર સોનપાપડી આપીને સંતોષ માની લીધો!
કંપનીએ કર્મચારીઓને દિવાળીની ભેટમાં આપ્યા સ્માર્ટફોન
સોશિયલ મીડિયા પર વાયરલ થઈ રહેલા આ વીડિયોમાં એક કંપનીની ઓફિસ જોવા મળે છે. ઓફિસમાં કર્મચારીઓની ડેસ્ક પર અલગ-અલગ રંગના સ્માર્ટફોનનાં બોક્સ રાખવામાં આવ્યાં છે. આ દૃશ્ય પરથી સ્પષ્ટ થાય છે કે કંપનીએ દિવાળીના અવસર પર પોતાના કર્મચારીઓને સ્માર્ટફોન ભેટમાં આપ્યા છે. કર્મચારીઓ જ્યારે પોતાની ડેસ્ક પર પહોંચે છે ત્યારે ત્યાં રાખેલી આ શાનદાર ભેટ જોઈને આશ્ચર્યચકિત થઈ જાય છે. દિવાળીની આ ખાસ ભેટ જોઈને તેમના ચહેરા પર ખુશી છવાઈ જાય છે. જાણે કર્મચારીઓ આ વખતે કંપની પાસેથી આવી જ કોઈ ભેટની અપેક્ષા રાખી રહ્યા હોય!
ગિફ્ટ જોઈને ખુશ થયા તમામ કર્મચારીઓ
ત્યારબાદ તમામ કર્મચારીઓ એકસાથે રીલ બનાવે છે અને એક પછી એક દિવાળીની ભેટમાં મળેલા સ્માર્ટફોન બતાવે છે. દરેક કર્મચારીના ચહેરા પર જોવા મળતી ખુશી સ્પષ્ટ દર્શાવે છે કે આ વખતે તેમની દિવાળી કંઈક ખાસ અંદાજમાં ઉજવાવાની છે. હાલમાં આ વીડિયો સોશિયલ મીડિયા પર ખૂબ વાયરલ થઈ રહ્યો છે અને તેને લઈને યુઝર્સ પણ અલગ-અલગ પ્રતિક્રિયાઓ આપી રહ્યા છે.
જુઓ Video
યુઝર્સ બોલ્યા, લાગે છે બોનસ કાપીને આપી દીધો ફોન!
આ વીડિયો financersaab2.0 નામના ઇન્સ્ટાગ્રામ એકાઉન્ટ પરથી શેર કરવામાં આવ્યો છે. અત્યાર સુધીમાં લાખો લોકો આ વીડિયો જોઈ ચૂક્યા છે અને અનેક લોકોએ તેને લાઈક પણ કર્યો છે. વીડિયો જોઈને સોશિયલ મીડિયા યુઝર્સ રમૂજી કોમેન્ટ્સ કરી રહ્યા છે. એક યુઝરે લખ્યું, “સારું છે, નહીં તો અમને તો સોનપાપડી જ મળી છે.” અન્ય એક યુઝરે લખ્યું, “લાગે છે કંપનીએ બોનસ કાપીને 15 હજારનો ફોન આપી દીધો છે. નુકસાન તો તમારું જ થયું!” જ્યારે બીજા એક યુઝરે મજાકમાં લખ્યું, “જ્યારે કંપની બોનસ આપતી નથી ત્યારે કર્મચારીઓનું મન આ રીતે જ મનાવી લે છે!”
આ પણ વાંચો, Trending Video : પ્લેનના ટોયલેટમાં ફસાયો 6 ફૂટ 8 ઇંચ ઊંચાઈ ધરાવતો મુસાફર! એર ઇન્ડિયાની મજાક ઉડાવતાં જ કેમ કપલ પર ભડક્યા લોકો?
