
વિશ્વના સાત અજાયબીઓમાંનો એક, આગ્રાનો તાજમહેલ તેની સુંદરતા અને ભવ્ય સ્થાપત્ય માટે જાણીતો છે. દરરોજ હજારો પ્રવાસીઓ તેને જોવા આવે છે. પરંતુ તાજમહેલનો એક એવો ભાગ પણ છે જ્યાં દરેકને જવાની મંજૂરી નથી. તાજેતરમાં સોશિયલ મીડિયા પર એક વીડિયો વાયરલ થયો છે, જેમાં એક વ્યક્તિએ તાજમહેલની અંદરની તે છુપાયેલી જગ્યા બતાવી છે.
ઇન્સ્ટાગ્રામ પર @bobbykhan2786 નામના યુઝરે થોડીક સેકન્ડનો આ વીડિયો શેર કર્યો છે. વાયરલ વીડિયોમાં જોઈ શકાય છે કે તે વ્યક્તિ સીડીઓ ઉતરીને એક ભૂગર્ભ રૂમમાં પ્રવેશ કરે છે, જ્યાં તે મુમતાઝ મહેલ અને શાહજહાંની વાસ્તવિક કબરો હોવાનો દાવો કરે છે. વીડિયો શેર કરતા યુઝર બોબી ખાને કેપ્શનમાં લખ્યું છે કે, આજે હું તમને અસલી તાજમહેલ બતાવીશ. આ મુમતાઝ અને શાહજહાંનું અસલી કબ્રસ્તાન છે.
મીડિયા રિપોર્ટ્સ અનુસાર તાજમહેલમાં પ્રવાસીઓને બતાવવામાં આવતી કબરો ખરેખર ‘સિનોટૈફ’ એટલે કે નકલી કબરો છે. મુમતાઝ અને શાહજહાંની વાસ્તવિક કબરો તેમની નીચે એક ગુપ્ત રૂમમાં બનાવવામાં આવી છે અને આ રૂમ વર્ષમાં ફક્ત ચોક્કસ પ્રસંગોએ જ ખોલવામાં આવે છે. આ જ કારણ છે કે આ વીડિયો સોશિયલ મીડિયા યુઝર્સમાં ચર્ચાનો વિષય બન્યો છે.
આ વીડિયોની વિશેષતા ફક્ત ગુપ્ત ઓરડાની અંદરનો નજારો જ નથી, પરંતુ બેકગ્રાઉન્ડમાં વાગતું મોહમ્મદ રફીનું ગીત પણ છે, જેની ઘણા નેટીઝન્સ દ્વારા પ્રશંસા કરવામાં આવી છે. એક યુઝરે ટિપ્પણી કરી, રફી સાહેબનો અવાજ તાજમહેલ કરતા વધુ સુંદર છે. આ વીડિયો 5 મેના રોજ શેર કરવામાં આવ્યો હતો, જે હજુ પણ ટ્રેન્ડમાં છે. આ વીડિયો અત્યાર સુધીમાં 82 લાખથી વધુ વખત જોવામાં આવ્યો છે.
આ પણ વાંચો: દરેક શ્વાનના માથા પર તિલક, કૃષ્ણ ભકિતમાં લીન થયા શ્વાન, મટકી ફોડી, જુઓ Video
આવા વીડિયો અન્ય ચેટ કે એપ્સ દ્વારા વારંવાર શેર કરવામાં આવતા હોવાથી આવી ક્લિપ્સ ઝડપથી ફેલાઈ જાય છે. મોટાભાગના વાયરલ વીડિયોમાં મજા પડતી હોય છે. આવા જ વાયરલ વીડિયો જોવા માટે અહીં ક્લિક કરો.