આદુ-એલચી નહીં, રસગુલ્લાની ચા બનાવી શખ્સે, Viral Video જોઈને લોકોએ આપી આવી પ્રતિક્રિયા

દેશમાં ચા પ્રત્યે લોકોનો ક્રેઝ આપણે બધા જાણીએ જ છીએ. આ જ કારણ છે કે સમયાંતરે તેમાં ફ્લેવર્સ ઉમેરવામાં આવ્યા છે. તમે બધાએ મસાલા, એલચી, ગોળ અથવા લીંબુ સાથેની ચા પીધી જ હશે. પણ શું તમે ક્યારેય ચાની ચૂસકી સાથે રસગુલ્લા ખાધા છે? તમને સાંભળીને આશ્ચર્ય થયું હશે. પરંતુ એ વાત સાચી છે કે હવે બજારમાં રસગુલ્લા ચા પણ ઉપલબ્ધ છે.

આ પણ વાંચો: સુરતમાં મહિલાઓ માટે યોજાયું અનોખુ વોકેથોન, ભાત-ભાતની સાડી પહેરીને 3 કી.મી. ચાલી મહિલાઓ, રસ્તામાં પાણીપુરીની સવલત, જુઓ Video

ચા સાથે આ કેવો પ્રયોગ

સામાન્ય રીતે તમે લોકોને ટપરી પર આદુની ચા સાથે મઠરી અથવા ટોસ્ટ ખાતા જોયા હશે. પરંતુ ભાગ્યે જ કોઈ એવું હશે જેને ચા સાથે કંઈક મીઠી વસ્તુ ખાવાનું પસંદ હોય. હાલમાં જ સોશિયલ મીડિયા પર રસગુલ્લા ચાનો એક વીડિયો સામે આવ્યો છે. જેમાં એક વ્યક્તિ પહેલા સફેદ રસગુલ્લાને કુલ્હડમાં મૂકે છે અને બાદમાં તેના પર ચા નાખે છે.

જ્યારે કોઈ વ્યક્તિ ચા ખરીદ્યા પછી કુલ્હડમાંથી રસગુલ્લા કાઢે છે, ત્યારે ચાને કારણે તેનો રંગ બદલાયેલો જોવા મળે છે, જે ગુલાબ જામુન જેવો દેખાય છે. એવો દાવો કરવામાં આવી રહ્યો છે કે વીડિયોમાં દેખાતી રસગુલ્લા ચા ગુજરાતના અમદાવાદમાં ઉપલબ્ધ છે.

આવી ચા કોણ પીશે?

આ વાયરલ વીડિયોને સોશિયલ મીડિયા પર @GabbbarSingh નામના ટ્વિટર હેન્ડલથી શેયર કરવામાં આવ્યો છે. અત્યાર સુધીમાં 20 હજારથી વધુ લોકો તેને જોઈ ચૂક્યા છે.

લોકોનો રોષ ફાટી નીકળ્યો

ઘણા લોકો ટ્વિટર પર કોમેન્ટ દ્વારા પોતાની પ્રતિક્રિયા પણ આપી રહ્યા છે. એક યુઝરે લખ્યું- ‘રસગુલ્લાથી બનેલું ગુલાબ જામુન’. જ્યારે બીજાએ લખ્યું – ‘આ મારી ચા સાથે આટલી બધી કેમ છેડછાડ થઈ રહી છે’. કેટલાક અન્ય વપરાશકર્તાઓએ પણ વિવિધ પ્રતિક્રિયા આપી છે.

ટ્રેડિંગ સમાચાર ગુજરાતીમાં વાંચો tv9gujarati.com પર

વાયરલ અને ટ્રેડિંગ વીડિયો સાથે જોડાયેલા તમામ ન્યૂઝ માટે જોડાયેલા રહો…