Viral News: 185 મુસાફરોના જીવ બચાવીને સોશ્યિલ મીડિયા પર છવાઈ મોનિકા ખન્ના, લોકોએ કહ્યું આ છે મહિલા શક્તિનું પરફેક્ટ ઉદાહરણ

જો કેપ્ટન મોનિકા ખન્નાએ (Monica Khanna) પોતાની બુદ્ધિમત્તાથી એક-બે નહીં પરંતુ સમગ્ર 185 મુસાફરોના જીવ ન બચાવ્યા હોત તો રવિવાર પટનામાં કાળો દિવસ સાબિત થઈ શક્યો હોત. તેણે વિમાનને એક જ એન્જીન પર સુરક્ષિત રીતે લેન્ડિંગ કરાવ્યું, આ લેન્ડિંગ બિલકુલ સરળ નહોતું. કારણ કે પટના એરફિલ્ડની આસપાસ ઊંચું આવેલું છે અને અહીં લેન્ડિંગ એટલું સરળ નથી. આ અંગેના ઘણા વીડિયો સોશિયલ મીડિયા પર વાયરલ થયા છે. જેમાં વિમાનમાં જ્વાળાઓ સ્પષ્ટપણે જોઈ શકાય છે. એરપોર્ટ ઓથોરિટીને ઈમરજન્સી લેન્ડિંગ અંગે જાણ કરવામાં આવી હોવાથી ફાયર ટેન્ડર અને એમ્બ્યુલન્સ ત્યાં હાજર કરવામાં આવી હતી. આગને તાત્કાલિક કાબૂમાં લેવામાં આવી હતી.

મીડિયા રિપોર્ટ્સ અનુસાર જ્યારે ફ્લાઈટમાં આગ લાગી ત્યારે કેપ્ટન મોનિકા ખન્નાએ ગભરાયા વિના અસરગ્રસ્ત એન્જિનને બંધ કરી દીધું અને તેના નિર્ણયથી મોટી દુર્ઘટના ટળી ગઈ. #SpiceJet #PatnaAirport જેવા હેશટેગ્સ સોશિયલ મીડિયા પર ટ્રેન્ડમાં છે. લોકો આનાથી જોરદાર વખાણ કરી રહ્યા છે.

આ ઘટના બાદ સ્પાઈસ જેટે એક નિવેદન આપતા કહ્યું કે, કેપ્ટન મોનિકા ખન્ના અને તેની સાથે સેવા આપતા ફર્સ્ટ ઓફિસ બલપ્રીત સિંહ ભાટિયાની ખૂબ પ્રશંસા કરવામાં આવી છે. સ્પાઈસે પોતાના નિવેદનમાં લખ્યું છે કે-આ ઘટના સમયે બંને પાઈલટ ગભરાયા ન હતા અને આગળનો મોર્ચો સારી રીતે સંભાળ્યો હતો, તે બંને અમારા અનુભવી અધિકારીઓ છે અને અમને તેમના પર ગર્વ છે.