Viral: સુટ-બુટ પહેરી ગોલગપ્પા અને ચાટ વેચતા યુવકના વીડિયોએ સોશિયલ મીડિયામાં મચાવી ધૂમ

ગોલગપ્પા અને ચાટ એ ભારતના બે સૌથી પ્રખ્યાત સ્ટ્રીટ ફૂડ (Street Food) છે. તમને આ સ્ટ્રીટ ફૂડ દેશના દરેક ખૂણે જોવા મળશે અને તેનું કારણ એ છે કે લોકોને આ ફૂડ ખૂબ જ ગમે છે. ભલે તે દિલ્હી હોય કે મુંબઈ કે અન્ય કોઈ શહેર, તમને ગોળગપ્પા અને ચાટ ચોક્કસ ખાવા મળશે. દિલ્હીમાં તમને જે ચાટ અને ગોલગપ્પા મળશે તે તમારું દિલ જીતી લેશે. સોશિયલ મીડિયા પર જગ્યાએ જગ્યાએથી ફેમસ સ્ટ્રીટ ફૂડ વેચનારના વીડિયો વારંવાર વાયરલ (Viral Videos) થતા હોય છે, જે ચાટ-પકોડી જોઈને લોકોના મોંમાં પાણી આવી જાય છે. આવા જ એક સ્ટ્રીટ ફૂડ વ્યક્તિનો વીડિયો આ દિવસોમાં ખૂબ વાયરલ થઈ રહ્યો છે, પરંતુ ખાસ વાત એ છે કે ગોલગપ્પા અને ચાટ વેચનાર સામાન્ય કપડામાં નથી, પરંતુ સૂટ-બૂટ અને ટાઈ પહેરીને જોવા મળે છે. તમે ભાગ્યે જ કોઈ સ્ટ્રીટ ફૂડ વાળાને આવા સૂટ-બૂટ પહેરીને ચાટ-ગોલગપ્પા વેચતા જોયા હશે.

સૂટ-બૂટ પહેરીને ગોલગપ્પા-ચાટ વેચતો આ છોકરો પંજાબનો રહેવાસી છે અને માત્ર 22 વર્ષનો છે. તે રસ્તાના કિનારે ઉભા રહીને વિવિધ પ્રકારના ચાટ, ગોલગપ્પા અને દહી ભલ્લા વેચે છે. તેણે પોતાના અનોખા ડ્રેસ કોડથી લોકોનું ધ્યાન પોતાની તરફ ખેંચ્યું છે. વીડિયોમાં તમે જોઈ શકો છો કે કેવી રીતે છોકરો વિવિધ પ્રકારની ચાટ બનાવીને ગ્રાહકોને આપી રહ્યો છે.

હાલમાં જ યુટ્યુબર અને ફૂડ વ્લોગર હેરી ઉપ્પલે આ શોપની મુલાકાત લીધી હતી અને તેનો વીડિયો બનાવીને યુટ્યુબ પર શેર કર્યો હતો. વીડિયોમાં એ પણ સમજાવે છે કે છોકરો સુટ-બૂટ પહેરીને ગોલગપ્પા અને ચાટ કેમ વેચે છે. 24 માર્ચે શેર કરાયેલા આ વીડિયોને અત્યાર સુધીમાં 5 લાખથી વધુ વ્યૂઝ મળી ચૂક્યા છે.

આ વીડિયોને જોયા બાદ લોકોએ વિવિધ પ્રકારની પ્રતિક્રિયાઓ આપી છે. કેટલાકે આ છોકરાને સ્ટ્રીટ વેન્ડર્સ માટે પ્રેરણા અને યુવા શક્તિ ગણાવ્યો છે, જ્યારે કેટલાકનું કહેવું છે કે આ યુવાન શેફ કરોડપતિ બનવાના માર્ગે છે. તે જ સમયે, કેટલાક યુઝર્સે છોકરાની મહેનત જોઈને તેને આગળ વધવાની પ્રેરણા આપી છે.

આ પણ વાંચો: E- Waste : મોબાઈલ ફોન અને અન્ય ગેજેટ્સને કઇ રીતે રિસાયકલ કરવામાં આવે છે ?

આ પણ વાંચો: Koo તેના પ્લેટફોર્મ પર સેલ્ફ વેરિફિકેશન સુવિધા શરૂ કરે છે, જાણો તમામ માહિતી

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો