Viral Baby Video: જન્મ થતાં જ નવજાત બાળકે બતાવ્યા રાજા જેવા ઠાઠ: એક પગ પર બીજો પગ રાખી સૂઈ રહેલા શિશુનો ક્યૂટ વીડિયો થયો વાયરલ!

સોશિયલ મીડિયા પર અવારનવાર બાળકોના એવા મનમોહક વીડિયો સામે આવતા હોય છે જે જોતાં જ ચહેરા પર આપોઆપ સ્મિત આવી જાય. હાલના દિવસોમાં ઇજિપ્ત (મિસ્ર) માં જન્મેલા એક નવજાત શિશુનો વીડિયો સમગ્ર ઇન્ટરનેટ પર ભારે આકર્ષણનું કેન્દ્ર બન્યો છે, જેની પાછળનું મુખ્ય કારણ બાળકનો અનોખો અને શાહી અંદાજ છે. સામાન્ય રીતે જન્મ પછી નવજાત બાળકો નવી દુનિયાના વાતાવરણમાં ઢળવાનો પ્રયાસ કરતા હોય છે કે રડતા હોય છે, પરંતુ આ બાળક કંઈક અલગ જ અંદાજમાં જોવા મળ્યું હતું. તે એવી શાંતિથી સૂઈ રહ્યું હતું જાણે તેને દુનિયાની કોઈ ચિંતા જ ન હોય! તેની આ સ્ટાઈલ જોઈ સોશિયલ મીડિયા યુઝર્સ પોતાનું હાસ્ય રોકી શકતા નથી.

વાસ્તવમાં, કૈરો સ્થિત બાળરોગ અને નવજાત શિશુ નિષ્ણાત ડૉ. ઇસ્લામ એલ્દેહે પોતાના ફેસબુક એકાઉન્ટ પર આ બાળકનો વીડિયો શેર કર્યો હતો. આ વીડિયો ડિલિવરી પછીની સામાન્ય તબીબી પ્રક્રિયા દરમિયાનનો હોવાનું કહેવાય છે. જેમાં નવજાત શિશુ અત્યંત આરામદાયક સ્થિતિમાં સૂતેલું દેખાય છે, તેના ચહેરા પર અદ્ભુત સુકૂન છે અને તેનો સમગ્ર અંદાજ કોઈ રાજા-મહારાજાથી કમ લાગતો નથી.

એક પગ પર બીજો પગ મૂકીને આરામ: ક્યૂટ અંદાજ જોઈ ડોક્ટર પણ હસી પડ્યા

આ વીડિયોમાં બાળકની સૌથી ખાસ બાબત તેના સૂવાની પોઝિશન છે. તે એક પગ ઉપર બીજો પગ ચડાવીને આરામ ફરમાવી રહ્યું છે. બાળકની આ બોડી લેંગ્વેજ જોઈને એવું લાગે છે કે તે દુનિયામાં આવતાંની સાથે જ પોતાના સંપૂર્ણ આરામનો બંદોબસ્ત કરીને બેઠું હોય! બાળકની આ રમુજી અદા જોઈ ખુદ ડોક્ટર પણ પોતાનું સ્મિત રોકી શક્યા નહોતા. વીડિયોમાં એક ક્ષણ એવી પણ આવે છે જ્યારે ડોક્ટર બાળકના ચહેરાને વહાલથી સ્પર્શીને તેને ઊંઘમાંથી જગાડવાનો પ્રયાસ કરે છે, તેમ છતાં બાળક પોતાની મસ્તીમાં સૂતું રહે છે. આ વીડિયો સાથે ડૉક્ટરે કેપ્શન લખ્યું હતું- ‘રાજાની જેમ સૂતેલું બાળક.’

સોશિયલ મીડિયા પર કમેન્ટ્સનો વરસાદ

આ વીડિયો વાયરલ થતાં જ નેટિઝન્સે બાળકની માસૂમિયત અને તેના અનોખા પોઝ પર ભરપૂર પ્રેમ વરસાવ્યો છે. અનેક યુઝર્સે રમુજી પ્રતિક્રિયાઓ આપતાં લખ્યું હતું:

• એક યુઝરે કમેન્ટ કરી, “આ બાળકની જિંદગી તો જન્મતાં જ તેના પોઝ પરથી રોયલ દેખાઈ રહી છે.”
• બીજા એક યુઝરે બાળકના પક્ષે મજાકમાં લખ્યું, “શું તમને દેખાતું નથી કે હું આરામ કરી રહ્યો છું? પ્લીઝ, મને એકલો છોડી દો.”
• કેટલાક લોકોએ બાળકની આ સ્ટાઈલ જોઈ તેને ‘ભાવિ અબજોપતિ’ ગણાવ્યો હતો, જ્યારે એક યુઝરે લખ્યું કે, “આ નાનકડો રાજા અત્યારથી જ વિચારી રહ્યો છે કે મોટા થઈને શું કરવું!”

હાલ આ નાનકડા બાળકની અનોખી સ્લીપિંગ સ્ટાઇલ સોશિયલ મીડિયાના દરેક પ્લેટફોર્મ પર લોકોનું દિલ જીતી રહી છે.

Viral Video: જર્મનીમાં રોબોટે 16 વર્ષીય સગીરાની કરી છેડતી – સોશિયલ મીડિયા પર લાઇવ-સ્ટ્રીમિંગ કર્યું, પોલીસે મશીન જપ્ત કરી તપાસ શરૂ કરી!