Magic Viral Video : શું ટેલિપોર્ટેશન શક્ય છે ? આ વાયરલ વીડિયોનું રહસ્ય સમજવા માટે લોકોના માથા ભમ્યા

તમે જાણતા જ હશો કે, આપણે મનુષ્ય વિજ્ઞાનના ક્ષેત્રમાં કેટલી ઝડપથી પ્રગતિ કરી રહ્યા છીએ, પરંતુ આજે પણ ઘણી એવી બાબતો છે જેના રહસ્યો વૈજ્ઞાનિકો પણ ઉકેલી શક્યા નથી, પછી તે એલિયન્સ અને યુએફઓ હોય કે પછી સમયની મુસાફરી અને ટેલિપોર્ટેશન. જો તમે વિજ્ઞાનમાં રસ ધરાવો છો તો તમે ટેલિપોર્ટેશન વિશે ચોક્કસપણે જાણતા હશો. જો કોઈ વ્યક્તિ એક પણ પગલું ભર્યા વિના એક જગ્યાએથી બીજી જગ્યાએ ગાયબ થઈ જાય તો તેને ટેલિપોર્ટેશન કહેવામાં આવે છે. જો કે આ શક્ય નથી, પરંતુ આજકાલ સોશિયલ મીડિયા પર આને લગતો એક વીડિયો વાયરલ થઈ રહ્યો છે, જેણે લોકોને વિચારવા પર મજબૂર કરી દીધા છે.

આ પણ વાંચો : Knowledge : ધરતી પર પરત ફરતા અવકાશયાત્રીઓનું જીવન બને છે મુશ્કેલ, આ વિચિત્ર સમસ્યાઓનો કરવો પડે છે સામનો

વાસ્તવમાં, આ વીડિયોમાં કાચની પેટીમાં બંધ કેટલાક લોકો ગાયબ થઈને બીજા કાચના બોક્સ સુધી પહોંચતા જોવા મળે છે. આ એક એવો નજારો છે કે જેને જોઈને કોઈ પણ ચોંકી જાય અને પૂછે કે આ કેવી રીતે થયું, શું આ ટેલિપોર્ટેશન નથી? વીડિયોમાં તમે જોઈ શકો છો કે એક મોટા કાચના બોક્સની અંદર એક પુરુષ અને ત્રણ મહિલાઓ ઉભા છે. પછી તે બોક્સ વર્તુળોમાં ફેરવવાનું શરૂ કરે છે. આ દરમિયાન એક વ્યક્તિ આવે છે અને તે બોક્સને પડદાથી સંપૂર્ણપણે ઢાંકી દે છે. પછી તે એ જ રીતે બીજી બાજુના બોક્સને ઢાંકી દે છે. તે જ સમયે એક છોકરી આવીને પ્રથમ બોક્સનો પડદો હટાવે છે, ત્યાં કોઈ નથી હોતું, કારણ કે તેઓ કેવી રીતે ગાયબ થઈ ગયા અને બીજા ડબ્બામાં જતા રહ્યા હતા.

વીડિયો જુઓ………..

હવે ખબર નથી કે આ ખરેખર ટેલિપોર્ટેશન છે કે પછી કોઈ જાદુ એટલે કે આંખોની યુક્તિ છે, પરંતુ આ વીડિયો જોયા પછી લોકો ચોક્કસપણે હેરાન થઈ જશો. આ વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર leonardo_fisicacuantica નામની આઈડીથી શેર કરવામાં આવ્યો છે, જેને અત્યાર સુધીમાં 8 લાખ 43 હજારથી વધુ વખત જોવામાં આવ્યો છે, જ્યારે 30 હજારથી વધુ લોકોએ આ વીડિયોને લાઈક પણ કર્યો છે.

તે જ સમયે વીડિયો જોયા પછી યુઝર્સે વિવિધ પ્રકારની પ્રતિક્રિયાઓ પણ આપી છે. એક યુઝરે આશ્ચર્યચકિત થઈને કોમેન્ટ કરી, ‘આ કેવી રીતે શક્ય છે? શું આ ટ્રિક છે કે સાયન્સ?’, તો કેટલાક યુઝર્સ એવા છે જેઓ કહે છે કે ‘બંને કાચની પેટીઓમાં બે અલગ-અલગ જૂથો હતા, જો તમે ધ્યાનથી જોશો તો તમે કહી શકો છો કે તેમની હેરસ્ટાઇલ સંપૂર્ણપણે સરખી નથી. એટલે તે લોકોએ ચહેરા ઢાંકેલા હતા.

Disclaimer : આ આર્ટિકલ ફેક્ટ ચેક કરવામાં આવ્યો છે, આ વીડિયો સોશિયલ મીડિયામાં વાયરલ થયેલો છે. જેની પુષ્ટી TV9 ગુજરાતી કરતુ નથી.