IPL Final Memes : સ્પંજ વડે પિચને સૂકવવા પર ગુસ્સે થયેલા ચાહકોએ મીમ્સ વરસાવ્યા અને BCCIને પૂછ્યા આ સવાલ

Stadium Staff Uses Sponge To Dry Wet Pitch : IPL 2023ની ફાઈનલ મેચની સોશિયલ મીડિયા પર ખૂબ જ ચર્ચા થઈ રહી છે. ચર્ચા માત્ર જાડેજાના વિનિંગ શોટની નથી, પરંતુ એક બીજું કારણ પણ છે જેના માટે ક્રિકેટ પ્રેમીઓ સૌથી ધનિક બોર્ડ BCCIની પાછળ હાથ ધોઈને પડી ગયા છે. હકીકતમાં વરસાદ પછી વિશ્વના સૌથી મોટા નરેન્દ્ર મોદી સ્ટેડિયમમાં જે રીતે પીચ સુકાવી છે તેને અંગે લોકો ગુસ્સે છે.

આ પણ વાંચો : Ahmedabad Motera Stadium: મોટેરા સ્ટેડિયમ હવેથી Narendra Modi Stadium તરીકે ઓળખાશે

29મી મેના રોજ ચેન્નાઈ સુપર કિંગ્સ અને ગુજરાત ટાઇટન્સ વચ્ચેની આ મેચ 3 કરોડથી વધુ લોકોએ લાઈવ જોઈ હતી. ગુજરાતના દાવ બાદ ભારે વરસાદ શરૂ થયો હતો. આ પછી નરેન્દ્ર મોદી સ્ટેડિયમમાં જે કંઈ બન્યું તે જોઈને ક્રિકેટપ્રેમીઓ દંગ રહી ગયા. સ્ટેડિયમનો ગ્રાઉન્ડ સ્ટાફ ભીની પિચને સૂકવવા માટે સ્પંજ અને ડોલ સાથે દોડ્યા હતા. લોકો હવે આ બાબતે ખૂબ એન્જોય કરી રહ્યા છે. આ સાથે તેઓ બીસીસીઆઈ પર સવાલ ઉઠાવી રહ્યા છે કે સ્ટેડિયમમાં ‘આધુનિક’ સુવિધાઓ સાથે પાણી શોષી લેતું મશીન પણ નથી.

જુઓ વાયરલ મીમ્સ

સોશિયલ મીડિયા પર કેટલીક વધુ તસવીરો પણ વાયરલ થઈ છે, જેમાં એકને હેર ડ્રાયર અને પ્રેસ વડે પિચને સૂકવતા બતાવવામાં આવ્યા છે. દાવો કરવામાં આવ્યો હતો કે આ તસવીર IPLની ફાઈનલ મેચની છે. જો કે, આ દાવો ખોટો નીકળ્યો છે.

તમને જણાવી દઈએ કે જ્યારે નરેન્દ્ર મોદી સ્ટેડિયમનું ઉદ્ઘાટન કરવામાં આવ્યું ત્યારે એવો દાવો કરવામાં આવ્યો હતો કે, અહીં ડ્રેનેજ સિસ્ટમ એટલી સારી છે કે વરસાદ બંધ થયાની 30 મિનિટમાં મેચ શરૂ થઈ જશે. પરંતુ આઈપીએલની ફાઈનલ મેચ દરમિયાન જે કંઈ પણ થયું તે જોઈને ચાહકો નિરાશ થયા છે.