તમે માનવ અને પ્રાણીઓ વચ્ચેની મિત્રતાના ઘણા કિસ્સાઓ સાંભળ્યા હશે. પરંતુ કેટલીક વાતો એવી હોય છે કે જેના વિશે સાંભળીને કોઇ પણ વ્યક્તિ ભાવુક થઈ જાય. હાલમાં આવી જ એક ઘટના ઇન્ટરનેટ જગતમાં ખૂબ જ વાયરલ થઇ રહી છે. હકીકતમાં, પૂર્વી કોન્ગોના વિરુંગા નેશનલ પાર્કમાં અનાથ નદાકાસી (માઉન્ટેન ગોરીલા) એ પોતાના 49 વર્ષીય સાથી આન્દ્રે બાઉમાના ખોળામાં અંતિમ શ્વાસ લીધા છે. આ બાદથી જ ગોરીલા અને આન્દ્રેની દોસ્તીની મિસાલો આપવામાં આવી રહી છે.
એક અહેવાલ મુજબ, નાદાકાસીનું 14 વર્ષની ઉંમરે અવસાન થયું. તેને વિરુંગા રેન્જર્સ દ્વારા ત્યારે બચાવવામાં આવ્યુ હતુ જ્યારે તે ફક્ત 2 મહિનાની હતી. તે પોતાની માતાના મૃતદેહ સાથે ચીપકીને બેસેલી મળી આવી હતી. નદાકાસીને બાદમાં પાર્કના સેનક્વેક્વે સેન્ટર મોકલી દેવામાં આવી હતી.
સેનક્ક્વેમાં ગોરિલાની લાંબી બિમારીના કારણે તેના મિત્રના ખોળામાં મોત થયુ છે. આ મિત્ર એ જ છે જેણે 14 વર્ષ પહેલા આ ગોરીલાને બચાવ્યુ હતુ. તે સમયે પણ બાઉમાએ નદાકાસીને પોતાના ખોળામાં ઉચકી લીધી હતી જેથી તે જીવીત રહી શકે. નદાકાસીની અંતિમ તસવીરમાં તે બાઉમાની છાતી પર પોતાનું માથુ રાખેલુ જોવા મળે છે.
બૌમાએ કહ્યું, ‘મને નાદકાસીને મારો મિત્ર કહેતા ગર્વ થાય છે, હું ચોક્કસપણે તેને એક બાળકની જેમ પ્રેમ કરતો હતો અને જ્યારે પણ હું તેની સાથે વાત કરતો ત્યારે તેની ખુશખુશાલ વર્તણૂક મારા ચહેરા પર સ્મિત લાવતી, અમે વિરૂંગામાં તેને ખૂબ યાદ કરીશું, અમારા જીવનમાં લાવેલી ખુશી માટે અમે નાદાકાસીના હંમેશા આભારી છીએ. ‘
આ પણ વાંચો –
આ પણ વાંચો –
આ પણ વાંચો –