ચાલતી ટ્રેનમાં ભીડ વચ્ચે યુવતીએ ‘સામી સામી’ સોંગ પર કર્યો જબરદસ્ત ડાન્સ, જુઓ VIRAL VIDEO
Dance Video : ફિલ્મનું સામી-સામી સોંગ હોય કે પછી ઓ અન્ટવા, પુષ્પાના તમામ ગીતોને ચાહકો તરફથી ભરપૂર પ્રેમ મળ્યો છે.
સાઉથ સુપરસ્ટાર અલ્લુ અર્જુનની ફિલ્મ પુષ્પાને રિલીઝ થયાને એક વર્ષથી વધુ સમય થઈ ગયો છે,પરંતુ ફિલ્મના એક્શનથી લઈને ગીતો સુધીનો ક્રેઝ દર્શકોમાં હજુ પણ અકબંધ છે. ફિલ્મનું સામી-સામી સોંગ હોય કે પછી ઓ અન્ટવા, પુષ્પાના તમામ ગીતોને ચાહકો તરફથી ભરપૂર પ્રેમ મળ્યો છે. ઘણા લોકો જાહેરમાં આ સોંગ પર ડાન્સ કરતા પણ જોવા મળ્યા છે. આજકાલ સોશિયલ મીડિયા પર આવો જ એક વીડિયો વાયરલ થઈ રહ્યો છે. જેમાં એક યુવતી પુષ્પાના સામી-સામી ગીત પર જોરશોરથી ડાન્સ કરતી જોવા મળી રહી છે.
પુષ્પા ફિલ્મના સામી-સામી સોંગ પર શાનદાર ડાન્સ
નવાઈની વાત એ છે કે યુવતીએ ચાલતી ટ્રેનમાં લોકોની ભીડ વચ્ચે ડાન્સ કર્યો છે, જેનો વીડિયો પણ હાલ સોશિયલ મીડિયા પર વાયરલ થઈ રહ્યો છે. આપને જણાવી દઈએ કે, આ વાયરલ વીડિયો સહકાજલ નામના ઈન્સ્ટાગ્રામ હેન્ડલ પર શેર કરવામાં આવ્યો છે. વીડિયોમાં યુવતી બ્લેક એન્ડ વ્હાઇટ ટોપમાં જોઈ શકાય છે. વીડિયોમાં તે પુષ્પા ફિલ્મના સામી-સામી ગીત પર શાનદાર ડાન્સ કરતી જોવા મળી રહી છે.
જુઓ વીડિયો
વીડિયોએ સોશિયલ મીડિયા પર ધૂમ મચાવી
યુવતીના ડાન્સનો આ વીડિયો સોશિયલ મીડિયા પર ખૂબ વાયરલ થઈ રહ્યો છે. ઘણા સોશિયલ મીડિયા યુઝર્સ આ વીડિયોને પસંદ કરી રહ્યા છે. તેના ડાન્સની કોમેન્ટ અને પ્રશંશા પણ કરી રહ્યા છે. પુષ્પા ફિલ્મની વાત કરીએ તો તે ડિસેમ્બર 2021માં સિનેમાઘરોમાં રિલીઝ થઈ હતી. આ ફિલ્મમાં અલ્લુ અર્જુનની સાથે અભિનેત્રી રશ્મિકા મંદન્ના લીડ રોલમાં હતી.
Published On - 11:17 am, Mon, 13 March 23