ભાંગડા પાલે આજા-આજા…. રન આઉટ થાય તે પહેલા જ શરુ કર્યું સેલિબ્રેશન, જુઓ લાઈવ મેચનો Funny Video

ક્રિકેટ મેચમાં વિકેટ લીધા પછી તમે ઘણા સેલિબ્રેશન જોયા હશે. તબરેઝ શમસી પોતાનું શૂઝ કાઢીને તેને મોબાઇલ ફોન બનાવતો હતો, જ્યારે ઇમરાન તાહિર ઝડપથી દોડતો હતો. મોહમ્મદ હફીઝને મૂછો પર હાથ ફેરવતો હતો તે કોઈ ભૂલી શક્યું નહીં હોય! પરંતુ આજે અમે તમને ઉજવણીનો એક એવો વીડિયો બતાવવા જઈ રહ્યા છીએ, જે તમારા હૃદયને ખુશ કરી દેશે.

પોસ્ટ કર્યાના થોડા કલાકોમાં લગભગ એક લાખ લોકોએ તેને જોયો

યુવા ક્રિકેટરોનો એક રમુજી વીડિયો સોશિયલ મીડિયા પર વાયરલ થઈ રહ્યો છે. જેમાં બધા ‘ઉભરતા સ્ટાર્સ’ બેટ્સમેનને રન આઉટ કરતા પહેલા ભાંગડા કરતા જોઈ શકાય છે. ઇન્ટરનેટ પર આ વીડિયો પોસ્ટ કર્યાના થોડા કલાકોમાં લગભગ એક લાખ લોકોએ તેને જોયો છે.

ક્રિકેટ મેચ દરમિયાન બની ફની ઘટના

આ ઘટના ભારતમાં એક વયજૂથ ક્રિકેટ મેચ દરમિયાન બની હતી. બેટ્સમેનનું નામ સમીર સિંહ ચૌહાણ છે. જે રન લેવાનો પ્રયાસ કરી રહ્યો હતો, પરંતુ નોન-સ્ટ્રાઈકર તેની જગ્યાએથી એક ઇંચ પણ ખસ્યો નહીં. પરિણામે સમીર અને નોન-સ્ટ્રાઈકર વૈભવ શર્મા એક જ છેડે રહી ગયા અને તેમાંથી કોઈએ સામેની બાજુ જવાનો પ્રયાસ કર્યો નહીં.

આખા વીડિયોમાં સૌથી વધુ ધ્યાન બોલિંગ ટીમના વિકેટ સેલિબ્રેશન પર ગયું. સમીર અને વૈભવને એક જ છેડે જોઈને સમીરને આઉટ કરતા પહેલા જ વિકેટકીપર અને ફિલ્ડરો ભાંગડા ડાન્સ કરવા લાગ્યા.

જુઓ ફની વાયરલ વીડિયો….

યુઝર્સ કરી રહ્યા છે કોમેન્ટ્સ

સોશિયલ મીડિયા પર મોટાભાગના યુઝર્સે આ વીડિયો રમુજી માન્યો પરંતુ કેટલાક લોકોને બાળકોનું વર્તન ખરાબ લાગ્યું. કેટલાક લોકોએ કહ્યું કે, તે ‘અજીબ’ હતું. ઘણા યુઝર્સે ટ્વીટ કર્યું, ‘ફક્ત ભારતમાં જ તમે આ જોઈ શકો છો… ન્યુઝીલેન્ડ, દક્ષિણ આફ્રિકા અને ઓસ્ટ્રેલિયા અને ઇંગ્લેન્ડ તેમના ફિલ્મ ઉદ્યોગને રમતગમત સાથે ભેળવતા નથી… આ ફક્ત બાળકો કરી શકે છે.’

આ પણ વાંચો: Viral Video: કોકની બોટલમાંથી બનાવ્યું ‘સ્પેસ રોકેટ’, ચીની બાળકોના જુગાડે લોકોને કરી દીધા દંગ!