Pandit Bhajan Sopori: પ્રખ્યાત સંતૂર વાદક પંડિત ભજન સોપોરીને સોશિયલ મીડિયા પર કલાપ્રેમીઓએ આપી શ્રદ્ધાંજલી

વિશ્વ પ્રસિદ્ધ સંતૂર વાદક શિવ કુમાર શર્માના અવસાનથી કલાપ્રેમીઓ સાજા પણ નથી થઈ શક્યા કે હવે સંતૂર વાદક પંડિત ભજન સોપોરીના (Pandit Bhajan Sopori) નિધનના સમાચાર સામે આવ્યા છે. મીડિયા રિપોર્ટ્સ અનુસાર, ગુરુગ્રામની ફોર્ટિસ હોસ્પિટલમાં લાંબા સમયથી તેની સારવાર ચાલી રહી હતી. એવું કહેવામાં આવી રહ્યું છે કે, તેઓ ઘણા સમયથી બીમાર હતા, પરંતુ ગુરુવારે તેમની તબિયત વધુ ખરાબ થઈ ગઈ અને પછી તેમના મૃત્યુના સમાચાર સામે આવ્યા છે. કલાપ્રેમીઓનું ભવિષ્ય ઉજ્જવળ કરનારા પંડિત ભજન સોપોરી માનતા હતા કે જો વ્યક્તિની કળા તેની સાથે જોડાયેલી હોય તો તેની વિચારવાની પ્રક્રિયા પણ સર્જનાત્મક બને છે અને વ્યક્તિ તેના ઉજ્જવળ ભવિષ્યના માર્ગે આગળ વધે છે.

આ દુ:ખદ સમાચારે કલાપ્રેમીઓને અંદરથી હચમચાવી દીધા છે. પહેલા પંજાબી સિંગર સિદ્દુ મૂઝવાલા, પછી આપણા બધાના ફેવરિટ પ્લેબેક સિંગર કેકે, પછી પંડિત ભજન સોપોરીના આ સમાચાર..! લોકો કહે છે કે અમારી મ્યુઝિક ઈન્ડસ્ટ્રી કોઈની નજરમાં આવી રહી છે. #SantoorMaestroPanditBhajanSopori, #bhajansoporidied અને #bhajanSoporideath જેવા હેશટેગ્સ ટ્વિટર પર ટોચ પર છે. આ હેશટેગ દ્વારા ચાહકો પોત-પોતાની પ્રતિક્રિયા આપી રહ્યા છે.

તેમની વિદાય શાસ્ત્રીય સંગીત માટે એક મોટી ખોટ છે જે ક્યારેય ભરાશે નહીં. તમારી માહિતી માટે તમને જણાવી દઈએ કે ભજન સોપોરી એક જાણીતા સંતૂર વાદક હતા. તેમનું પૂરું નામ ભજનલાલ સોપોરી હતું. સંતૂરની આ તાલીમ તેમને વારસામાં મળી હતી. સંતૂર તેમના દાદા એસ.સી. સોપોરી અને પિતા એસ.એન. સોપોરી પાસેથી શીખ્યા હતા.