Viral Video : બિલ્ડિંગની વચ્ચેથી પસાર થાય છે ટ્રેન, ફ્લેટના વધી ગયા ભાવ, લોકો ઘરમાંથી જ પકડે છે ટ્રેન!
રહેણાંક મકાનની વચ્ચેથી પસાર થતી ટ્રેનને જોઈને તમે ચોકી જશો. તમને લાગશે કે આ ગ્રાફિક્સથી બનાવ્યું હોઈ શકે છે, પરંતુ તે સો ટકા સાચું છે. આ ટ્રેન બે મકાનમાંથી પસાર થાય છે અને તે મકાનના રહેવાસી ટ્રેનમાં પોતાના ઘરમાંથી જ ચડી જાય છે.
વિજ્ઞાન અને માણસે એટલી બધી પ્રગતિ કરી છે કે એન્જિનિયરિંગ દ્વારા એવી ટેકનોલોજી તૈયાર કરી છે કે જેને જોઈને આંખો પર વિશ્વાસ નથી થઈ શકતો. તમે આજ સુધી ક્યારેય ઘરની અંદરથી ચાલતી ટ્રેન નહિં જોઈ હોય. રેલ્વે ટ્રેક પણ રહેણાંક વિસ્તારોથી થોડા અંતરે બનાવવામાં આવે છે, પરંતુ એક ટ્રેન પણ બનાવવામાં આવી છે જે 19 માળની રહેણાંક ઇમારતની વચ્ચેથી દરરોજ પસાર થાય છે.
આ પણ વાચો: Adani-Hindenburg case : 30 હજાર કરોડની કમાણીકરનાર એક ડઝન શોર્ટ સેલર્સ પર સેબીની નજર
સોશિયલ મીડિયા પર વાયરલ થયેલા વીડિયોમાં રેસિડેન્શિયલ બિલ્ડિંગની અંદરથી ટ્રેન પસાર થઈ રહી છે. આ વીડિયો નકલી નથી પણ સાચો છે. ચીનમાં દોડતી એક ટ્રેન રહેણાંક મકાનની અંદરથી પસાર થાય છે. આ આજે નથી બન્યું, પરંતુ વર્ષોથી આ રીતે ટ્રેનની અવરજવર ચાલુ છે અને તેના કારણે લોકોને કોઈ મુશ્કેલીનો સામનો કરવો પડતો નથી.
છઠ્ઠા અને આઠમા માળેથી પસાર થાય છે ટ્રેન
જે વીડિયો વાયરલ થઈ રહ્યો છે તે પૂર્વી ચીનના પર્વતીય શહેર ચુનકિંગનો છે, જેની વસ્તી કરોડોની છે. આ શહેરમાં જગ્યાની અછત હોવાના કારણે વધારે ઊંચી ઈમારતો છે. જ્યાં રેલ્વે ટ્રેક બનવાનું શરૂ થયું ત્યારે રસ્તામાં 19 માળની ઇમારત આવી, જ્યાં ઘણા લોકો રહે છે. કદાચ જો આપણી પાસે આ સમસ્યા હોત તો બિલ્ડીંગ જાતે જ દૂર થઈ ગઈ હોત, પરંતુ ચીનના એન્જિનિયરોએ અજાયબી કરી બતાવી છે. તેઓએ બિલ્ડિંગના છઠ્ઠા અને આઠમા માળેથી એક ટ્રેક બનાવ્યો હતો. ટ્રેન અને ટ્રેકની આ ગુણવત્તા સમગ્ર વિશ્વમાં પ્રખ્યાત થઈ ગઈ છે.
લોકો માટે પણ સુવીધાજનક
આ અનોખી ટ્રેનનો વીડિયો @TansuYegen દ્વારા સોશિયલ મીડિયા પ્લેટફોર્મ ટ્વિટર પર શેર કરવામાં આવ્યો છે. ફ્લોરને એવી રીતે કાપવામાં આવ્યો છે જેથી ટ્રેન પસાર થવાને કારણે કોઈને કોઈ સમસ્યાનો સામનો કરવો ન પડે, જ્યારે આ બિલ્ડિંગના લોકોનું પોતાનું સ્ટેશન પણ છે, જ્યાંથી તેઓ સીધા જ ટ્રેનમાં બેસી જાય છે. સાયલન્સિંગ ટેક્નોલોજીના ઉપયોગથી તેનો અવાજ ઓછો કરવામાં આવ્યો છે. તે કોઈપણ વૉશિંગ અથવા ડિશ વૉશિંગ મશીન જેટલો અવાજ કરે છે.
