Cute Video: અરે વાહ ! તરસતી ખિસકોલીને વિદેશી મહિલાએ બોટલમાંથી આપ્યું પાણી, ઈન્ટરનેટ પર છવાયો હ્રદય સ્પર્શી વીડિયો

ઉનાળાની ઋતુમાં (Summer season) તરસને કારણે માણસો અને પશુઓ પણ બીમાર પડે છે. અનેક પ્રાણીઓ તરસને લીધે અહીં-તહીં ભટકતા રહે છે. જો કે, અબોલ હોવાને કારણે, તેઓ તેમની વાત કોઈને કહી શકતા નથી, પરંતુ તેઓ તેમની લાગણી વ્યક્ત કરીને તેમની ઇચ્છા વ્યક્ત કરે છે અને આપણે આવા જીવો પ્રત્યે આપણી કરુણા દર્શાવવી જોઈએ. કહેવાય છે કે માનવતાની સેવા કરવાવાળા હાથ એટલે જ ધન્ય છે જેટલા ભગવાનની પ્રાર્થના કરતું મુખ ધન્ય છે. હાલમાં જ આને લગતો એક વીડિયો સામે આવ્યો છે. જેમાં એક વિદેશી મહિલા તરસતી ખિસકોલીને પાણી આપતી જોવા મળી રહી છે.

વાયરલ થઈ રહેલી નવ સેકન્ડની આ ક્લિપમાં તમે જોઈ શકો છો કે એક વિદેશી મહિલા તેની બોટલમાંથી ખિસકોલીને પાણી પીવડાવી રહી છે. ખિસકોલી પણ પ્રેમથી પાણી પી રહી છે. જ્યારે પોતાના બે પગે બોટલ પકડીને ઊભી રહે છે. આ વીડિયો ખૂબ જ ક્યૂટ (Cute Video) છે અને સાથે જ માનવતાનો પાઠ પણ આપે છે.

અહીં વીડિયો જુઓ…..

આ વીડિયોને ટ્વિટર પર @buitengebieden નામના એકાઉન્ટ દ્વારા શેર કરવામાં આવ્યો છે. સમાચાર લખાય છે ત્યાં સુધી, 26 લાખથી વધુ લોકો જોઈ ચૂક્યા છે અને લોકો આ વીડિયોને એટલો પસંદ કરી રહ્યા છે કે, તેઓ તેને વારંવાર જોવાનું પસંદ કરી રહ્યા છે અને સાથે જ કોમેન્ટ કરીને પોતાની પ્રતિક્રિયા પણ શેર કરી રહ્યા છે.

એક યુઝરે લખ્યું, ‘માનવતાનું આનાથી વધુ સારું ઉદાહરણ કોઈ હોઈ શકે નહીં. ‘ અન્ય યુઝરે લખ્યું – કેટલીકવાર કેટલાક વીડિયો દિલ સુધી પહોંચી જાય છે અને આ તેમાંથી એક છે. ત્રીજા યુઝરે લખ્યું- અદ્ભુત. આ વીડિયોના કોમેન્ટ સેક્શનમાં ઘણા બધા ઈમોજી પણ જોવા મળી રહ્યા છે.