સરકારી બાબુઓ મફતના 8 કિલો કાજુ સાફ કરી ગયા… ! પાર્સલ લેવા પહોંચ્યા તો પેકેટ ખાલી જોતાં સ્ટાફનો ઉધડો લીધો
ઇન્ડિયા પોસ્ટ દ્વારા એક ગ્રાહકે 8 કિલો કાજુ મંગાવ્યા હતા. પરંતુ અચાનક જ્યારે તેની પાસે ફોન આવે છે કે તે આવીને પોતાનો ઓર્ડર લઈ જાય, ત્યારે તેને 8 કિલોનું બોક્સ ફાટેલું મળે છે. જેમાં અંદર રહેલા પેકેટ પણ પૂરા હોતા નથી. તેનો દાવો છે કે 'ઇન્ડિયા પોસ્ટવાળા તેના કાજુ ખાઈ ગયા.'
ચાર્ટર્ડ એકાઉન્ટન્ટ સંદીપ કુમાર પાસે સોનીપતની ઇન્ડિયા પોસ્ટમાંથી ઇમરજન્સી કોલ આવે છે. સંદીપને કહેવામાં આવે છે કે ‘તમારો સામાન આવીને સંભાળી લો.’ સંદીપ જ્યારે પાર્સલ લેવા પહોંચે છે, ત્યારે તેમના હોશ ઊડી જાય છે, કારણ કે પાર્સલ સંપૂર્ણપણે ડેમેજ થયેલું હોય છે અને અંદરથી સામાન પણ ગાયબ હોય છે. સંદીપ ઇન્ડિયા પોસ્ટ પર પોતાના કાજુ લૂંટી લેવાનો આરોપ લગાવે છે. આ ઘટના ઇન્ટરનેટ પર ભારે ચર્ચાનો વિષય બની ગઈ છે.
કોઈની પાસે કોઈ જવાબ નથી!
સીએ સંદીપ કુમારનું કહેવું છે કે તેમના ‘ચોરી’ના આરોપોના સવાલનો કોઈ સ્ટાફ પાસે કોઈ જવાબ નહોતો. પુરાવા માટે જ્યારે તેઓ વીડિયો બનાવવાનું શરૂ કરે છે, ત્યારે સ્ટાફમાંથી એક વ્યક્તિ તેમને કહે છે કે ‘વધુ સારી રીતે સીધો રાખીને વીડિયો બનાવો.’ સંદીપ તેને વળતો જવાબ આપતા કહે છે કે, ‘તમે ચોરી ઉપર સીનાજોરી તો ન કરો. મને વીડિયો બનાવતા ન શીખવો.’
તમારી કમ્પ્લેન બુક ક્યાં છે?
રોષે ભરાયેલા ગ્રાહકે ઇન્ડિયા પોસ્ટના કર્મચારીઓ પાસેથી તેમની ‘કમ્પ્લેન બુક’ (ફરિયાદ પુસ્તિકા) માંગી, તો તે પણ મળી ન હતી. છેવટે એક વરિષ્ઠ મહિલા અધિકારીએ સ્ટાફ માટે બનાવેલી ત્રુટિ પુસ્તિકા (Error Book) આપી, જેના પર પણ ગ્રાહકે સવાલો ઉઠાવ્યા. સંદીપે કહ્યું કે, ‘ઇન્ડિયા પોસ્ટની ફરિયાદ પુસ્તિકા ગાયબ, જવાબદારી ગાયબ અને બસ એટીટ્યુડ પૂરેપૂરો ચાલુ છે.’ છેલ્લે સંદીપ સામાન્ય જનતાને ઇન્ડિયા પોસ્ટ અંગેનો તેમનો અનુભવ પૂછે છે.
આ લોકોનો રેકોર્ડ છે!
કોમેન્ટ સેક્શનમાં યુઝર્સ ઇન્ડિયા પોસ્ટ સાથેના પોતાના ખરાબ અનુભવો વર્ણવતા જોવા મળી રહ્યા છે. એક યુઝરે લખ્યું કે, ‘આ લોકોએ 1 વર્ષથી મારું એટીએમ કાર્ડ નથી આપ્યું.’ બીજા એક યુઝરે લખ્યું કે, ‘ભાઈ, તેમણે માત્ર તમારા કાજુ જ નથી ખાધા, પરંતુ મારી આયુર્વેદિક દવાઓ પણ ખાઈ ગયા છે. હું કોલકાતામાં દર્દીઓ માટે ઇન્ડિયા પોસ્ટથી દવાઓ મોકલું છું, પરંતુ તે દર વખતે ગાયબ થઈ જાય છે.’
અત્યંત ખરાબ અનુભવ
પોતાનો કન્સાઈનમેન્ટ નંબર (ટ્રેકિંગ નંબર) જાહેર કરતા સીએ સંદીપ કુમારે લખ્યું કે, ઇન્ડિયા પોસ્ટના સ્ટાફે પાર્સલમાંથી મારો સામાન ચોરી લીધો છે. ખૂબ જ નબળી અને ખરાબ સેવા છે. ઇન્ડિયા પોસ્ટ અને તેના ચોર સ્ટાફ પર ક્યારેય ભરોસો ન કરવો. સ્ટાફનું કહેવું હતું કે કેમેરા પર સ્પષ્ટ વીડિયો બનાવો, અમને કોઈ ફર્ક નથી પડતો. આવા સ્ટાફ પર શરમ આવવી જોઈએ.
આ વીડિયો સોશિયલ મીડિયા પર 24 કલાકમાં 27 લાખથી વધુ વ્યૂઝ મેળવી ચૂક્યો છે અને 1 લાખ 80 હજારથી વધુ લોકોએ તેને લાઈક કરીને 8 હજારથી વધુ કોમેન્ટ્સ કરી છે.
View this post on Instagram
ગોલ્ડ-સિલ્વર ETF માં જબરદસ્ત તેજી: ચાંદીના ઇટીએફ 6% સુધી ઉછળ્યા, જાણો રોકાણકારોને કેમ મળી રહ્યો છે બમ્પર નફો
