રિલાયન્સ Jioના યુઝર્સને મોંઘવારીનો ડબલ માર સહન કરવાનો વારો આવ્યો છે. કંપનીએ માત્ર Jio પ્લાનની કિંમતોમાં જ વધારો કર્યો નથી, પ્લાનની કિંમતો વધારવાની સાથે કંપનીએ કેટલાક પ્લાનમાં અનલિમિટેડ 5G ડેટા આપવાનું પણ બંધ કરી દીધું છે.
જો તમે પણ Jio યુઝર છો તો તમને સવાલ થતો હશે કે રિલાયન્સ જિયોના કયા રિચાર્જ પ્લાનમાં અનલિમિટેડ 5G ડેટાનો લાભ બંધ કરવામાં આવ્યો છે. તો આ લેખમાં અમે તમને તેના વિશે જણાવીશું.
અનલિમિટેડ 5G માટે પહેલા કંપનીની માત્ર એક જ શરત હતી કે જો કોઈ વ્યક્તિ 239 રૂપિયા કે તેનાથી વધુનો કોઈ રિચાર્જ પ્લાન લે છે તો કંપની દ્વારા અનલિમિટેડ 5G ડેટા આપવામાં આવશે. પરંતુ હવે ઘણું બદલાઈ ગયું છે, હવે કંપનીનું કહેવું છે કે અમર્યાદિત 5G ડેટા ફક્ત તે જ યુઝર્સને આપવામાં આવશે જે દરરોજ 2 GB ડેટા અથવા તેનાથી વધુ ડેટા સાથેનો પ્લાન લે છે. આનો અર્થ એ છે કે જો તમે દરરોજ 1 GB અથવા 1.5 GB ડેટા સાથેનો પ્લાન ખરીદો છો, તો હવે તમને અમર્યાદિત 5G ડેટા નહીં મળે.
Jio દ્વારા જાહેર કરાયેલી યાદી દર્શાવે છે કે ઓછામાં ઓછા 5 એવા પ્લાન છે, જેમાં હવે અનલિમિટેડ 5G મળશે નહીં. આ પ્લાનમાં રૂ. 209, રૂ. 239, રૂ. 479, રૂ. 666 અને રૂ. 1,559ના પ્લાનનો સમાવેશ થાય છે. જો કે, રૂ 1,559ના પ્લાનમાં 5G મળશે કે નહીં તેની કોઈ જાણકારી આપી નથી. આ પ્લાન 336 દિવસ માટે માત્ર 24GB ડેટા ઓફર કરે છે. જો કે, આ વર્તમાન પ્લાનની કિંમતો છે, જેની કિંમત 3 જુલાઈથી વધશે.
Published On - 7:18 pm, Sat, 29 June 24