Tech Tips : હોળી પર તમારા ફોનને આ રીતે રાખો સુરક્ષિત, આ ટિપ્સને કરો ફોલો

હોળીના તહેવાર પર લોકો એકબીજાને રંગો લગાવીને હોળી રમે છે. બાળકો પણ પાણી ભરેલા ફુગ્ગા લોકો પર ફેંકે છે અને તહેવારનો આનંદ લે છે. હોળીનો તહેવાર ખુશીઓ અને રંગોનો છે. ઘણી વખત, હોળી રમવાથી મોબાઈલ ફોનને નુકસાન પણ થતુ હોય છે. તહેવારને લોકો એક યાદી તરીકે મોબાઈલમાં સેવ કરવા માંગતા હોય છે, જેના કારણે આ તહેવાર દરમિયાન ઘણા લોકોના સ્માર્ટફોન બગડી જાય છે.

આ પણ વાંચો: Meta Layoff 2023 : ફરી હજારો કર્મચારી થશે ‘બેરોજગાર’, આ કારણે જશે નોકરી!

આવી સ્થિતિમાં કાં તો ફોનમાં પાણી ઘૂસી જાય છે અથવા તો રંગ જતો રહે છે. આવી સ્થિતિમાં આજે અમે તમને કેટલીક એવી ટિપ્સ જણાવીશું જેના દ્વારા તમે તમારા ફોનને કોઈપણ નુકસાનથી બચાવી શકો છો.

હોળીમાં ફોનને બચાવવા માટે આ ટિપ્સ અનુસરો

વોટરપ્રૂફ કવર

આવી પરિસ્થિતિઓમાં સ્માર્ટફોનને સુરક્ષિત રાખવા માટે વોટરપ્રૂફ કવર માર્કેટમાં આવે છે. આ તમને કોઈપણ મોબાઈલ કવર શોપ પર સરળતાથી મળી જશે અને તેની કિંમત પણ વધારે નથી. તમે તમારા સ્માર્ટફોનને આ કવરમાં રાખીને તેનો ઉપયોગ કરી શકો છો. કવર પાણીને તેમાં પ્રવેશતા અટકાવે છે. તમે તમારા સ્માર્ટફોનને આ કવરમાં રાખી શકો છો અને તેનો ઉપયોગ પણ કરી શકો છો.

સ્ક્રીન ગાર્ડ

હોળીમાં તમારા ફોનને સુરક્ષિત રાખવા માટે તમારે તેના પર સ્ક્રીન ગાર્ડ અને સામાન્ય મોબાઇલ કવર જરૂર લગાવવું. આવી સ્થિતિમાં, જ્યારે પણ તમે કૉલ અથવા મેસેજ માટે તમારો સ્માર્ટફોન હાથમાં લો છો, ત્યારે તેના પર રંગ અથવા પાણી ઘુસવાની સંભાવના ઓછી હશે. આ સાથે તમારા મોબાઈલની ડિસ્પ્લે અથવા બોડી પણ સુરક્ષિત રહેશે.

બ્લૂટૂથનો ઉપયોગ કરો

જો તમારે હોળી દરમિયાન ફોનનો સતત ઉપયોગ કરવો હોય તો હોળીના દિવસે તમારી સાથે બ્લૂટૂથ રાખો જેથી તમારે વારંવાર મોબાઈલ ફોન બહાર કાઢવો ન પડે. બ્લૂટૂથ ઇયરબડ્સ દ્વારા, તમે સરળતાથી કૉલ ઉપાડી શકો છો અને જરૂર પડ્યે તેને ડિસ્કનેક્ટ કરી શકો છો.

વોટરપ્રૂફ બેગ

મોબાઈલ ફોનને સુરક્ષિત રાખવા માટે તમારે વોટરપ્રૂફ બેગ અથવા પાઉચની જરૂર પડી શકે છે. જો તમારી પાસે વોટરપ્રૂફ બેગ નથી, તો તમે તેને કોઈપણ મોબાઈલ શોપમાંથી ખરીદી શકો છો. જેના કારણે તમારા ફોન પર પાણી પડે તો પણ ફોનને નુકસાન નહીં થાય.