Instagram જ નહીં હવે Twitter પરથી પણ થશે કમાણી, એલોન મસ્ક કન્ટેન્ટ ક્રિએટર્સ પર વરસાવશે પૈસા

Follow us on

માઈક્રોબ્લોગિંગ પ્લેટફોર્મ ટ્વિટરના માલિક એલોન મસ્કે હાલમાં જ એક મોટી જાહેરાત કરી છે, આપને જણાવી દઈએ કે હવે મસ્ક માત્ર પોતે જ નહીં પરંતુ તમને પણ કમાણી કરાવશે. તમે તે બરાબર વાંચ્યું છે, એલોન મસ્કે જાહેરાત કરી છે કે ટૂંક સમયમાં Twitter પરથી વેરિફાઈડ કન્ટેન્ટ ક્રિએટર્સને પૈસા આપવામાં આવશે. તેમના મુદ્દાને સ્પષ્ટ રીતે સમજાવતા, એલોન મસ્કે કહ્યું કે જે કોઈ પણ વેરિફાઈડ કન્ટેન્ટ ક્રિએટર્સ છે તેમને જવાબમાં દેખાતી જાહેરાતો માટે પૈસા મળશે. એટલું જ નહીં, મસ્કે એ પણ સ્પષ્ટ કર્યું છે કે પ્રથમ બ્લોકમાં ટ્વિટર દ્વારા ક્રિએટર્સને 5 મિલિયન ડોલર (લગભગ 41 કરોડ રૂપિયા) ચૂકવવામાં આવશે.

આ પણ વાંચો: Rajiv Dixit Health Tips: વિદેશોમાં ટૂથપેસ્ટ પર લખવામાં આવે છે વોર્નિગ, રાજીવ દીક્ષિતે જણાવ્યા ટૂથપેસ્ટ ઉપયોગના નુકસાન, જુઓ Video

જણાવી દઈએ કે અત્યાર સુધી કન્ટેન્ટ ક્રિએટર્સ મેટા પ્લેટફોર્મ ઈન્સ્ટાગ્રામ અને ફેસબુક દ્વારા કમાણી કરતા હતા, પરંતુ હવે ટ્વિટર પણ ક્રિએટર્સને તેમના શ્રેષ્ઠ કામ માટે ચૂકવણી કરશે. એલોન મસ્કના ઓફિશિયલ ટ્વિટર એકાઉન્ટમાંથી કરાયેલી ટ્વીટ અનુસાર, મસ્કે એક શરત મૂકી છે અને શરત એ છે કે માત્ર એવા કન્ટેન્ટ ક્રિએટર્સને જ પેમેન્ટ મળશે જેમનું એકાઉન્ટ વેરિફાઈડ છે. જણાવી દઈએ કે વેરિફાઈડ એકાઉન્ટ પર એડ્સ આવશે ત્યારે જ પેમેન્ટ કરવામાં આવશે.

આનો અર્થ એ છે કે જો તમારી પાસે પણ બ્લુ ટિક છે અને તમે કન્ટેન્ટ ક્રિએટર પણ છો, તો તમે પણ ટૂંક સમયમાં ટ્વિટર દ્વારા કમાણી કરી શકશો. પરંતુ જો તમે કન્ટેન્ટ ક્રિએટર છો પરંતુ તમે એલોન મસ્ક દ્વારા શરૂ કરાયેલ ટ્વિટરની બ્લુ મેમ્બરશિપ લીધી નથી, તો તમને પૈસા કમાવવાની તક નહીં મળે. જો તમે પણ ટ્વિટરથી કમાણી કરવા માંગો છો, તો જણાવી દઈએ કે તમે પેઇડ સબ્સ્ક્રિપ્શન્સ ખરીદીને પૈસા કમાવવાની તકનો લાભ લઈ શકશો.

ટેક્નોલોજીના તમામ સમાચાર વાંચવા માટે અહીં ક્લિક કરો