થોમસ નામના ‘હેકર’ને કારણે ઇન્સ્ટાગ્રામ, ફેસબુક અને વોટ્સએપ ઠપ્પ થઈ ગયા, એફબીઆઈ ટૂંક સમયમાં ગુનેગારને પકડશે

Facebook Whatsapp Instagram Shut Down: સોશિયલ મીડિયાની સૌથી વધુ ઉપયોગમાં લેવાતી એપ અચાનક બંધ થવા પાછળનું કારણ સામે આવ્યું છે. સોમવારે સાંજે અચાનક ઇન્સ્ટાગ્રામ, વોટ્સએપ અને ફેસબુકના સર્વરો બંધ થઈ ગયા. આ ત્રણેય એપની સેવાઓ લગભગ છ કલાક પછી પુન સ્થાપિત કરવામાં આવી હતી. હવે માહિતી સામે આવી રહી છે કે થોમસ નામના હેકરને કારણે ઇન્સ્ટાગ્રામ, વોટ્સએપ અને ફેસબુકની સેવાઓ અટકી ગઈ હતી. જેને અમેરિકાની ગુપ્તચર સંસ્થા FBI પકડશે. આની જવાબદારી એફબીઆઈ સાયબર ક્રાઈમ ઓફિસર જોન મેકક્લેનને આપવામાં આવી છે.

ફેસબુક, ઇન્સ્ટાગ્રામ, વોટ્સએપની સેવાઓ લગભગ છ કલાક સુધી બંધ રહી હતી. જેના કારણે સમગ્ર વિશ્વમાં લોકોને હાલાકી ભોગવવી પડી હતી. ફેસબુકે આ મામલે કોઇપણ પ્રકારનો ભંગ થયો હોવાનો ઇનકાર કર્યો હતો. કંપનીએ એક નિવેદનમાં કહ્યું, ‘સેવાઓ સ્થગિત થવાનું મૂળ કારણ કોન્ફિગરેશમાં ફેરફારને કારણે હતુ. (Facebook Instagram Down) સેવાઓ અટકી જવાને કારણે વપરાશકર્તાના ડેટાના ભંગના કોઈ પુરાવા નથી. અમે વિશ્વભરના લોકો અને વ્યવસાયોના વિશાળ સમુદાય પર નિર્ભર છીએ. અમે તેમની માફી માંગીએ છીએ. અમને જણાવવામાં આનંદ થાય છે કે આ સેવાઓ હવે ફરીથી ઓનલાઇન પૂર્વવત થઈ ગઈ છે.

લોકોને એરર આવતી હતી ફેસબુક ઇન્સ્ટાગ્રામ અને વોટ્સએપની માલિકી સ્વરુપની કંપની છે. જ્યારે સેવાઓ અટકી ગઈ હતી ત્યારે આઇફોન અને એન્ડ્રોઇડ બંને પર વોટ્સએપ વપરાશકર્તાઓ ફોન અથવા વિડીયો કોલ કે મેસેજ કરી શક્યા ન હતા (Facebook Down by Hacking) આ ત્રણેય સોશિયલ મીડિયા એપના વપરાશકર્તાઓ કોઈ મેસેજ મોકલવા કે પ્રાપ્ત કરવામાં સક્ષમ નહોતો. આ ત્રણ સોશિયલ મીડિયા પ્લેટફોર્મના વપરાશકર્તાઓ લાંબા સમય સુધી એરર આવતુ હતું. સેવાઓ પુન: સ્થાપિત કર્યા પછી, ફેસબુકના ચીફ ટેક્નોલોજી ઓફિસર માઇક શ્રોફરે જણાવ્યું હતું કે, “ફેસબુક સેવાઓ હવે પુન:સ્થાપિત કરવામાં આવી છે. સંપૂર્ણરીતે કાર્યરત થવામાં થોડો સમય લાગી શકે છે. હું દરેક નાના અને મોટા બિઝનેસ, પરિવાર અને અમારા પર નિર્ભર દરેકની માફી માંગુ છું.

માર્ક ઝુકરબર્ગને મોટું નુકસાન ફેસબુકના સહ-સ્થાપક અને સીઈઓ માર્ક ઝુકરબર્ગને ફેસબુક, ઈન્સ્ટાગ્રામ અને વોટ્સએપ ડાઉન થવાથી ઘણું સહન કરવું પડ્યું છે. ઝુકરબર્ગની નેટવર્થ 7 અબજ ડોલર (લગભગ 52,212 કરોડ રૂપિયા) ઘટી ગઈ છે. અબજોપતિઓની યાદીમાં તે હવે એક સ્થાન નીચે સરકી ગયા છે અને બિલ ગેટ્સથી પાંચમા સ્થાને છે. અગાઉ તે ચોથા સ્થાને હતો. આ સિવાય ફેસબુકનો શેર પણ 5 ટકા ઘટી ગયો છે.

આ પણ વાંચોઃ WhatsApp, Facebook અને Instagram થયુ ડાઉન તો લોકોએ લીધી મજા, ટ્વીટર પર ફની મીમ્સનું આવ્યુ પૂર

આ પણ વાંચોઃ Social Media Outage : ફેસબુકનો અત્યાર સુધીનો સૌથી મોટો આઉટેજ, જાણો કેમ ઠપ્પ થઇ હતી સેવાઓ