Indian AI : આવી રહ્યું છે ભારતનું પોતાનું Zen AI, ChatGPT અને DeepSeek સામે મોટો પડકાર ! જુઓ Video

Follow us on

ભારત ટૂંક સમયમાં પોતાનું સ્વદેશી AI મોડેલ લોન્ચ કરવા જઈ રહ્યું છે, જે અમેરિકા અને ચીનના AI મોડેલ્સને પડકારશે. કેન્દ્રીય IT મંત્રી અશ્વિની વૈષ્ણવે ઘોષણા કરી કે આગામી 10 મહિનામાં ભારત પોતાનું જનરેટિવ AI મોડેલ લોન્ચ કરશે. આ માટે 10 મોટી ભારતીય ટેક કંપનીઓને શોર્ટલિસ્ટ કરવામાં આવી છે.

AI કમ્પ્યુટિંગ માટે સરકારી સપોર્ટ

તેમણે વધુમાં જણાવ્યું કે ભારતમાં હાલમાં 18,693 ગ્રાફિક પ્રોસેસિંગ યુનિટ્સ (GPU) ઉપલબ્ધ છે, જે AI કમ્પ્યુટિંગ માટે ઉપયોગમાં લેવામાં આવશે.

આ 10 કંપનીઓને મળી છે તક

ભારતના AI મિશન હેઠળ રિલાયન્સ જિયો, ટાટા કોમ્યુનિકેશન, ઓરિએન્ટ ટેક, યોટાકોમ અને અન્ય ટેક કંપનીઓને શોર્ટલિસ્ટ કરવામાં આવી છે. સાથે જ, AI સ્ટાર્ટઅપ્સ અને વ્યક્તિગત ડેવલપર્સ માટે પણ અરજીઓ મંગાવવામાં આવી છે.

યુઝર્સની ગોપનીયતા પર સરકારની તાકીદ

AI અને ડીપફેક ટેક્નોલોજી સંદર્ભે વપરાશકર્તાઓની ગોપનીયતા અને ડેટા સુરક્ષા માટે ભારત સજ્જ છે. IT મંત્રી અશ્વિની વૈષ્ણવે જણાવ્યું કે સરકાર ટૂંક સમયમાં AI સર્વરોને દેશની અંદર સ્થાપિત કરવા માટે ગાઈડલાઈન્સ લાવશે.

ભારત AI મિશન – એક મોટી ઉછાળો

AI ફીલ્ડમાં ભારત પોતાનું સ્થાન મજબૂત કરવા માટે ટેકનોલોજી, આરોગ્ય, શિક્ષણ, કૃષિ અને અન્ય ક્ષેત્રોમાં AIનો ઉપયોગ વધારી રહ્યું છે. કેન્દ્ર સરકારે AI કમ્પ્યુટિંગ ઇકોસિસ્ટમ માટે 10,000 કરોડ રૂપિયા ફાળવ્યા છે.

 AI કમ્પ્યુટિંગ ઇકોસિસ્ટમ શા માટે મહત્વપૂર્ણ છે?

AI મોડેલ્સને ટ્રેનિંગ આપવા માટે, અદ્યતન GPU-આધારિત કમ્પ્યુટર્સની જરૂર હોય છે. સરકાર દેશમાં AI માટે અદ્યતન પ્રયોગશાળાઓ સ્થાપવા પર પણ કામ કરી રહી છે, જેથી અમેરિકા અને ચીનની સરખામણીએ ભારતનું AI મિશન આગે વધી શકે.