Tech Tips: iPhone પર કરવો છે કોલ રેકોર્ડ તો આ સરળ રીત આવશે કામ

આપણને દરરોજ ઘણા ફોન આવે છે. ઘણા લોકો તેને પુરાવા તરીકે રેકોર્ડ પણ કરે છે. પરંતુ એ જરૂરી નથી કે ફોનમાં કોલ રેકોર્ડ કરવો સરળ હોય. જો આઈફોન (iPhone) યૂઝર્સ એવું વિચારે છે કે માત્ર એક બટન દબાવવાથી તમે કોઈપણ કોલ રેકોર્ડ કરી શકો છો તો તમે ખોટું વિચારી રહ્યા છો. કારણ કે iPhoneમાં કોલ રેકોર્ડ (Record Calls) કરવા માટે તમારે એપ ડાઉનલોડ કરવી પડશે. જો કે iPhone પર કોલ રેકોર્ડ કરવા માટે ઘણી એપ્સ ઉપલબ્ધ છે, પરંતુ અમે તમને ગૂગલ વોઈસ (Google Voice) વિશે જણાવી રહ્યા છીએ.

Google Voice વડે કૉલ કેવી રીતે રેકોર્ડ કરવો તે જાણો?

Google Voice વડે માત્ર ઈનકમિંગ કૉલ જ રેકોર્ડ કરી શકાય છે. આ માટે તમારે એક એકાઉન્ટ સેટઅપ કરવું પડશે. આ માટે તમારે voice.google.com પર જવું પડશે. આ ઈન્સ્ટ્રક્શનને ફોલો કરો. એકવાર તમે તમારું એકાઉન્ટ સેટ કરી લો તે પછી તમારે કૉલ રેકોર્ડિંગને સક્ષમ કરવાની જરૂર પડશે. આ રેકોર્ડેડ કોલને MP3 ફોર્મેટમાં સેવ કરશે.

1. સૌથી પહેલા Google Voiceના હોમપેજ પર જાઓ.
2. અહીં તમને ડાબી બાજુએ ત્રણ ડોટ આઇકોન દેખાશે. આના પર ટેપ કરો. તે પછી સેટિંગ્સ પર ક્લિક કરો.
3. કૉલ્સ વિભાગમાં નીચે સ્ક્રોલ કર્યા પછી, તમારે ઈનકમિંગ કૉલ વિકલ્પ ચાલુ કરવો પડશે.
4. આ કર્યા પછી તમે કીપેડ પર 4 નંબર દબાવીને ઈનકમિંગ કૉલ્સ રેકોર્ડ કરી શકશો.
5. ધ્યાનમાં રાખો કે આમ કરવાથી જેનો કોલ રેકોર્ડ થઈ રહ્યો છે, તેને પણ એક સૂચના મળશે કે તેનો કોલ રેકોર્ડ થઈ રહ્યો છે.
6. જો તમે રેકોર્ડિંગ બંધ કરવા માંગતા હોવ તો તમારે ફરીથી 4 દબાવવું પડશે અથવા કૉલ ડિસ્કનેક્ટ કરવો પડશે. તમે રેકોર્ડિંગ બંધ કરી દો તે પછી, Google તમારી વાતચીતને તમારા ઈનબોક્સમાં આપમેળે સાચવશે. અહીંથી તમે રેકોર્ડિંગ્સ સાંભળી અને ડાઉનલોડ કરી શકો છો.

જાણો કે તમે કેવી રીતે રેકોર્ડિંગ્સ સાંભળી શકશો

આ રેકોર્ડિંગ્સ સાંભળવા માટે તમારે Google Voice એપ્લિકેશન ડાઉનલોડ કરવાની જરૂર પડશે.
અહીં મેનુ આઇકોન ઉપર ડાબી બાજુએ હાજર હશે. આના પર ક્લિક કરો.
હવે Recorded પર ક્લિક કરો. અહીંથી તમે રેકોર્ડેડ કોલ સાંભળી શકશો.

આ પણ વાંચો: Tech News: સરકારે 5Gને લઈ કરી મોટી જાહેરાત, જાણો ક્યારે થશે લોન્ચિંગ અને પહેલા ક્યાં થશે શરૂ

આ પણ વાંચો: Tech News: 7 એપ્રિલે લોન્ચ થશે Tata Neu સુપર એપ, આ પ્લેટફોર્મને આપશે ટક્કર

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો-