International Women’s Day: આંતરરાષ્ટ્રીય મહિલા દિવસ પર ગૂગલે મહિલાઓ માટે બનાવ્યું એક ખાસ ડૂડલ

8 માર્ચ એટલે કે આજે મંગળવાર સમગ્ર વિશ્વમાં આંતરરાષ્ટ્રીય મહિલા દિવસ (International Women’s Day) ની ઉજવણી કરવામાં આવે છે. આજે આ ખાસ દિવસે ગૂગલે (Google)મહિલાઓને સમર્પિત એક ડૂડલ (Doodle)બનાવ્યું છે. Google ડૂડલ માતા બનવાથી લઈને કામ કરતી મહિલા સુધીના તેમના જીવનમાં તેણે ભજવેલી ઘણી ભૂમિકાઓ દર્શાવે છે. તેમજ ડૉક્ટર અને એન્જિનિયર સુધીના વિવિધ સ્વરૂપોમાં તેમની ભૂમિકા દર્શાવી છે.

મહિલાઓ માટે ગૂગલે ડૂડલ બનાવ્યું

આ ડૂડલ દ્વારા વિવિધ સંસ્કૃતિનું પ્રતિનિધિત્વ કરતી મહિલાઓને દર્શાવવામાં આવી છે. એનિમેટેડ ગૂગલ ડૂડલ મહિલાઓના રોજિંદા જીવનના દ્રશ્યો દર્શાવે છે. આના દ્વારા એક મહિલાની કેટલી જવાબદારીઓ છે તે જણાવવાનો પ્રયાસ કરવામાં આવ્યો છે. ગૂગલ દ્વારા બહાર પાડવામાં આવેલા ડૂડલમાં જોઈ શકાય છે કે કેવી રીતે એક માતા પોતાના બાળકોની સંભાળ લઈ રહી છે અને લેપટોપ પર પોતાનું કામ પણ કરી રહી છે.

તે જ સમયે, કોવિડ સમયગાળામાં અગ્રણી મહિલા ડોકટરો અને નર્સોને પણ તેમાં બતાવવામાં આવ્યા છે. આ સિવાય ડૂડલમાં મહિલાઓને મોટરસાઇકલ મિકેનિક, ઇલેક્ટ્રિક એન્જિનિયર અને માળીઓ તરીકેની ભૂમિકા ભજવતી દર્શાવવામાં આવી છે, જેઓ તેમના બાળકો માટે કામ કરતી જોવા મળે છે. તેમાં પ્રોફેશનલ ફોટોગ્રાફર અને ફેશન ડિઝાઇનરની પ્રોફાઇલમાં કામ કરતી મહિલાઓને પણ દર્શાવવામાં આવી છે.

2022 ની થીમ શું છે

દરેક ક્ષેત્રમાં મહિલાઓ સમક્ષ પડકારો આવ્યા છે, જેનો તેઓ શ્રેષ્ઠ રીતે સામનો કરી રહી છે. વાસ્તવમાં, આંતરરાષ્ટ્રીય મહિલા દિવસની શરૂઆત વર્ષ 1908 માં 8 માર્ચે કરવામાં આવી હતી, પરંતુ તેને ઉજવવાની પહેલ એક વર્ષ પછી મજૂર ચળવળથી થઈ અને પછી જ તેને સંયુક્ત રાષ્ટ્ર દ્વારા આંતરરાષ્ટ્રીય મહિલા દિવસ નામ આપવામાં આવ્યું. દર વર્ષની જેમ આ વર્ષે પણ 2022 ની થીમ છે ‘જેન્ડર ઇક્વાલિટી ટુડે ફોર એ સસ્ટેનેબલ ટુમોરો’ જેનો અર્થ છે કે લિંગ સમાનતા ટકાઉ આવતીકાલ માટે જરૂરી છે.

આ પણ વાંચો: International Women’s Day: ભારતના રમત-ગમત ઈતિહાસની તે 8 મહિલાઓ જેમણે બદલી દેશની વિચારસરણી, બતાવ્યો નવી દુનિયાનો રસ્તો

આ પણ વાંચો: Jharkhand: આંતરરાષ્ટ્રીય મહિલા દિવસ પર માથુ નીચુ કરતી ઘટના, ધોરણ 8માં ભણતી વિદ્યાર્થીની સાથે 6 લોકોનો સામુહિક બળાત્કાર, પાંચ ઝડપાયા એક ફરાર