RR vs RCB : હવે IPL 2022(IPL 2022)માં માત્ર છેલ્લી 2 મેચ બાકી છે. ફાઈનલ 29 મેના રોજ છે અને તે પહેલા શુક્રવાર, 27 મેના રોજ ક્વોલિફાયર 2 રમાવાની છો. તેનું કારણ આ મેચનું મહત્વ છે. ક્વોલિફાયર 2 મેચ રાજસ્થાન રોયલ્સ અને રોયલ ચેલેન્જર્સ બેંગ્લોર (RR vs RCB) વચ્ચે યોજાવાની છે. અમદાવાદના નરેન્દ્ર મોદી સ્ટેડિયમ (Narendra Modi Stadium)માં રમાનારી આ મેચમાં જે ટીમ જીતશે તેને ફાઈનલ રમવાનું લાયસન્સ મળશે. જે ટીમ હારશે તેને ઘરે પરત ફરવાની ટિકિટ મળશે. એટલે કે, જો તમારે ટાઇટલ જીતવું હોય, તો પહેલા આ મેચ જીતો.
IPL 2022 પ્લેઓફમાં રાજસ્થાન રોયલ્સની ટીમ બીજા સ્થાને રહી હતી. ક્વોલિફાયર વનમાં તેનો સામનો ટોચની ટીમ ગુજરાત ટાઇટન્સ સામે થયો હતો, જેમાં તેનો પરાજય થયો હતો. આ સાથે જ રોયલ ચેલેન્જર્સ બેંગ્લોરે એલિમિનેટર મેચમાં લખનૌ સુપર જાયન્ટ્સનો પડકાર ખતમ કરી દીધો. આ બંને મેચ કોલકાતાના ઈડન ગાર્ડનમાં રમાઈ હતી. જે ટીમ મેચ જીતશે તે 29 મેના રોજ અમદાવાદમાં જ ગુજરાત ટાઇટન્સ સામે રમશે.
RR vs RCB, IPL 2022: જાણો મેચ ક્યારે, ક્યાં અને કેવી રીતે જોવી?
IPL-2022ની મેચ રાજસ્થાન રોયલ્સ અને રોયલ ચેલેન્જર્સ બેંગ્લોર વચ્ચે શુક્રવારે 27 મેના રોજ રમાશે.
રાજસ્થાન રોયલ્સ અને રોયલ ચેલેન્જર્સ બેંગ્લોર વચ્ચેની આ મેચ અમદાવાદના નરેન્દ્ર મોદી સ્ટેડિયમમાં રમાશે.
રાજસ્થાન રોયલ્સ અને રોયલ ચેલેન્જર્સ બેંગ્લોર વચ્ચેની મેચનો ટોસ સાંજે 7 વાગ્યે થશે, મેચ 07:30 વાગ્યે શરૂ થશે.
રાજસ્થાન રોયલ્સ અને રોયલ ચેલેન્જર્સ બેંગ્લોર વચ્ચેની આ મેચ સ્ટાર સ્પોર્ટ્સ નેટવર્કની ચેનલો પર વિવિધ ભાષાઓમાં જોઈ શકાશે.
રાજસ્થાન રોયલ્સ અને રોયલ ચેલેન્જર્સ બેંગલોર વચ્ચેની મેચનું ઓનલાઈન લાઈવ સ્ટ્રીમિંગ ડિઝની+હોટસ્ટાર પર સબસ્ક્રિપ્શન સાથે જોઈ શકાય છે. આ સિવાય tv9gujarati.com પર પણ મેચની લાઈવ અપડેટ વાંચી શકાશે.