Badminton Asian Championship:પીવી સિંધુ સેમિફાઇનલમાં જાપાનની યામાગુચી સામે હારી, બ્રોન્ઝ મેડલથી સંતોષ માનવો પડ્યો

Badminton Asian Championship: પીવી સિંધુને બેડમિન્ટન એશિયા ચેમ્પિયનશિપ ( Badminton Asian Championship)માં મહિલા સિંગલ્સની સેમિફાઈનલમાં હારનો સામનો કરવો પડ્યો છે. જાપાનની અકાને યામાગુચીએ સિંધુને 21-13, 19-21, 16-21થી હરાવી હતી.બે ઓલિમ્પિક મેડલ જીતનારી ભારતની સ્ટાર શટલર પીવી સિંધુએ શનિવારે જાપાનની અકાને યામાગુચી સામે હાર્યા બાદ બેડમિન્ટન (Badminton)એશિયન ચેમ્પિયનશિપની ફાઇનલમાં પહોંચવાની તક ગુમાવી દીધી હતી.

યામાગુચી (Akane Yamaguchi) એ ત્રણ ગેમ સુધી ચાલેલા મુકાબલામાં તેમને 13-21, 21-19, 21-16 થી હાર આપી હતી. સિંધુ સારી સ્થિતિમાં હતી પરંતુ બીજી ગેમથી તેની રમત બગાડી હતી. આ મેચ એક કલાક અને છ મિનિટ સુધી ચાલી હતી. સિંધુ સિવાય અન્ય કોઈ ભારતીય કોઈ પણ કેટેગરીમાં સેમિફાઈનલમાં જગ્યા બનાવી શક્યા નથી.

 બ્રોન્ઝ મેડલ જીતવામાં સફળ રહી

ચોથી ક્રમાંકિત સિંધુએ 2014 ગિમ્ચેઓન સ્ટેજમાં બ્રોન્ઝ મેડલ જીત્યો હતો. શુક્રવારે, તેણે એક કલાક અને 16 મિનિટ સુધી ચાલેલી ક્વાર્ટર ફાઇનલમાં પાંચમી ક્રમાંકિત ચીની ખેલાડીને 21-9 13-21 21-19થી હરાવીને સેમિફાઇનલમાં પ્રવેશ કર્યો હતો. સિંધુ ભલે સેમીફાઈનલ હારી ગઈ હોય પરંતુ તે બ્રોન્ઝ મેડલ જીતવામાં સફળ રહી. આ ટૂર્નામેન્ટમાં સિંધુનો આ બીજો બ્રોન્ઝ મેડલ છે.

ભારતને 15મો મેડલ મળ્યો છે

ત્રીજી ગેમની સાથે સિંધુ પણ મેચ હારી ગઈ હતી. સિંધુ સિવાય ભારતે આ ચેમ્પિયનશિપમાં 14 મેડલ જીત્યા છે. મહિલા સિંગલ્સમાં પીવી સિંધુ ઉપરાંત સાઇના નેહવાલે વર્ષ 2010, 2016 અને 2018માં બ્રોન્ઝ મેડલ જીત્યો છે. તે જ સમયે, મીના શાહે વર્ષ 1965માં મહિલા સિંગલ્સમાં બ્રોન્ઝ જીત્યો હતો.

આ પણ વાંચો :

અદાલતોમાં સ્થાનિક ભાષાઓને પ્રોત્સાહન આપવું જરૂરી, સામાન્ય માણસ માટે કાયદાની ગૂંચવણો છે ગંભીર બાબત – પીએમ મોદી

આ પણ વાંચો :

Election 2022: ચૂંટણી રણનીતિકાર પ્રશાંત કિશોરનો ભાવિ પ્લાન શું છે? કહ્યું- હું જે પણ કરીશ તે આગામી બે દિવસમાં જાહેર કરીશ