Singapore Open: પીવી સિંધુએ શાનદાર પ્રદર્શનથી સેમિફાઈનલમાં જગ્યા બનાવી, સાયના ક્વાર્ટર ફાઈનલમાં બહાર

Singapore Open : બેડમિન્ટન કોર્ટ (Badminton court)માંથી ભારત માટે એક નિરાશાજનક સમાચાર સામે આવી રહ્યા છે. હાલમાં ભારત સહિત દુનિયાભરમાંના શટલર સિંગાપુર ઓપનમાં વ્યસ્ત છે. રમતનો અંતિમ મુકબલો બાકી છે. જેમાં શુક્રવાર 15 જુલાઈના રોજ ભારતની બેડમિન્ટન સ્ટાર પીવી સિંધુ (PV Sindhu)એ સેમીફાઈનલમાં જગ્યા બનાવી લીધી છે. સિંધુએ ચીનની ખેલાડી હાન યુને ત્રણ સેટ સુધી ચાલેલા મુકાબલામાં 17-21,21-11,21-19થી હાર આપી હતી. બીજી બાજુ ભારતીય સ્ટાર સાયના નહેવાલ (Indian star Saina Nahewal) ક્વાર્ટર ફાઈનલમાં જ તેની સફર પૂર્ણ કરી હતી. સાયનાને જાપાનની આયા ઓહોરીને વધુ એક મુકાબલામાં 13-21,21-15,22-20થી હાર આપી છે, સાયના અંદાજે 15 મહિના પછી કોઈ ટૂર્નામેન્ટમાં પહોંચી છે.

પીવી સિંધુ હવે સાયના કાવાકામી સામે ટકરાશે. જાપાની ખેલાડીએ છઠ્ઠી ક્રમાંકિત થાઈલેન્ડની પોર્નપાવી ચોચુવોંગને 21-17, 21-19થી હરાવીને મોટો અપસેટ સર્જ્યો હતો. બે વખતના ઓલિમ્પિક મેડલ વિજેતા પીવી સિંધુ (PV Sindhu) અને એચએસ પ્રણોય (HS Prannoy) એ પોતપોતાના રાઉન્ડ ઓફ 16 મેચ જીતીને સિંગાપોર ઓપન (Singapore Open 2022)ના ક્વાર્ટર ફાઈનલમાં પ્રવેશ કરી લીધો છે. આ રાઉન્ડની અન્ય મેચોમાં મિથુન અને અશ્મિતાની હાર જતાં ટુર્નામેન્ટમાંથી બહાર થઈ ગયા છે. ગુરુવારે ત્રીજી ક્રમાંકિત પીવી સિંધુનો સિંગાપોર ઓપન 2022માં મહિલા સિંગલ્સમાં વિયેતનામની લિન ગુયેન સામે મુકાબલો થયો હતો.