કોણ છે રામ રામ ભાઈ સારાને બોલનાર અંકિત બૈયાનપુરિયા, PM મોદીનો આ વીડિયો દિલ જીતી લેશે

જ્યારથી ભારતની સત્તા વડાપ્રધાન નરેન્દ્ર મોદીએ સંભાળી છે ત્યારથી તેમણે સ્વચ્છતા પર ભાર મૂક્યો છે અને તેઓ તેને સતત આગળ લઈ રહ્યા છે. તેમની સરકાર આવતાની સાથે જ મોદીએ ગાંધી જયંતિ એટલે કે 2જી ઓક્ટોબરને સ્વચ્છતા દિવસ તરીકે જાહેર કર્યો છે.અનેક લોકો તેમની સાથે આવ્યા છે. જેમાં વડાપ્રધાને ભારતીય કુસ્તીબાજ અંકિત બૈયનપુરિયા સાથે મળીને સમગ્ર દેશને સ્વચ્છતાનો સંદેશ આપ્યો હતો. તેણે અંકિત (Ankit Baiyanpuria) સાથે સફાઈ કરી અને અંકિત પાસેથી તેની ફિટનેસના રહસ્યો પણ શીખ્યા. અંકિત માત્ર કુસ્તીબાજ જ નથી, પરંતુ તે સોશિયલ મીડિયા પર પણ ઘણો ફેમસ થઈ ગયો છે. તેનું કારણ તેની 75 દિવસની હાર્ડ ચેલેન્જ છે.

આ પણ વાંચો : Breaking News: PM મોદીએ સ્વચ્છતા અભિયાનમાં લીધો ભાગ, ટ્વીટ કર્યો VIDEO

વડાપ્રધાને ટ્વિટર પર એક વીડિયો પોસ્ટ કર્યો છે. જેમાં નરેન્દ્ર મોદી અને અંકિત સાથે જોવા મળી રહ્યા છે અને પાર્કમાં સાફ સફાઈ કરી રહ્યા છે. આ વીડિયોમાં અંકિત અને વડાપ્રધાન સાફ-સફાઈની સાથે સાથે ફિટનેસને લઈને પણ વાત કરી રહ્યા છે.

(pm modi : twitter)

વડાપ્રધાને જાણ્યું અંકિતના ફિટનેસનું રહસ્ય

આ વીડિયોમાં વડાપ્રધાને અંકિતના ફિટનેસના વખાણ કર્યા છે. અને તેનું શેડ્યુલ પણ પુછ્યું છે. અંકિત 75 હાર્ડ ચેલેન્જનું કારણ ખુબ ફેમસ થયો છે. મોદીએ આ વિશે અંકિત સાથે વાત કરી અને તેને કહ્યું કે. આ ચેલેન્જ છે શું. અંકિત પોતાનો જે વીડિયો સોશિયલ મીડિયા પર પોસ્ટ કરે છે. તેની શરુઆત રામ-રામ સારાંયેને બોલી કરે છે. વડાપ્રધાને અંકિતને પુછ્યું કે, તારા ફિટનેસ પાછળ કેટલો સમય કાઢે છો તો અંકિતે કહ્યું તે 3 થી 4 કલાક પોતાના ફિટનેસ માટેનો સમય કાઢે છે.

અંકિતનું સપનું સાકાર થયું

અંકિતે કહ્યું કે તેમનું સપનું વડાપ્રધાનને મળવાનું હતું જે પૂરું થયું છે. અંકિતે કહ્યું કે વડાપ્રધાને રમતગમત અંગે ઘણું કર્યું છે, ખેલો ઈન્ડિયા, ફિટ ઈન્ડિયા અભિયાન શરૂ કર્યું છે, જેણે દેશના ઘણા ખેલાડીઓને પ્રેરણા આપી છે.

દેશના તમામ સમાચાર વાંચવા માટે અહીં ક્લિક કરો