CWG 2022માં હોકીનો કાર્યક્રમ જાહેર, ભારતીય મહિલા અને પુરૂષ ટીમો ઘાના સામે પ્રથમ મેચ રમશે
હોકી ઈન્ડિયા આ વખતે બર્મિંગહામમાં થનાર કોમવેલ્થ ગેમ્સ માટે પોતાની મુખ્ય ટીમની જગ્યાએ મહિલા અને પુરૂષની એ ટીમ મોકલી રહી છે.
આ વર્ષે બર્મિંગહામમાં યોજાનારી કોમનવેલ્થ ગેમ્સની (Birmingham CWG 2022) દરેક વ્યક્તિ આતુરતાથી રાહ જોઈ રહ્યા છે. ખાસ કરીને ભારતીય હોકીના (Hockey India) ચાહકો માટે કારણ કે આ વખતે ભારતની બીજા ક્રમની ટીમો આ રમતોમાં ભાગ લઈ રહી છે અને તે તેમની ક્ષમતા અને ભારતીય હોકીની બેન્ચ સ્ટ્રેન્થને ચકાસવા માટે એક મહત્વપૂર્ણ પ્લેટફોર્મ સાબિત થશે. હાલમાં હોકી ચાહકો માટે સારા સમાચાર એ છે કે ભારતની મહિલા અને પુરૂષ ટીમોની શરૂઆત સરળ થઈ ગઈ છે. બંને ટીમો પ્રમાણમાં નબળી ગણાતી ઘાના ટીમ સામે પોતપોતાના અભિયાનની શરૂઆત કરશે. પ્રથમ મહિલા ટીમ તેની શરૂઆતની મેચ 29 જુલાઈએ ઘાના સામે રમશે અને ત્યારબાદ પુરૂષ ટીમ 31 જુલાઈએ તે જ પ્રતિસ્પર્ધી સામે ટકરાશે.
એશિયન ગેમ્સમાં જોરદાર એન્ટ્રીના કારણે હોકી ઈન્ડિયા આ વખતે કોમનવેલ્થ ગેમ્સમાં મહિલા અને પુરુષોની A ટીમને મેદાનમાં ઉતારી રહી છે. આમ છતાં ભારતને મજબૂત દાવેદાર માનવામાં આવશે. બે વખતની સિલ્વર મેડલ વિજેતા ભારતીય પુરૂષ ટીમને ઈંગ્લેન્ડ, કેનેડા, વેલ્સ અને ઘાનાની સાથે પૂલ બીમાં મૂકવામાં આવી છે. તે એક સરળ પૂલ માનવામાં આવે છે. તે જ સમયે CWGની સૌથી સફળ ટીમ, 6 વખતની ચેમ્પિયન ઓસ્ટ્રેલિયાને ન્યૂઝીલેન્ડ, દક્ષિણ આફ્રિકા, પાકિસ્તાન અને સ્કોટલેન્ડની સાથે પૂલ Aમાં મૂકવામાં આવી છે.
મહિલા અને પુરૂષ ટીમનો પુલ આ પ્રમાણે છે
જ્યાં સુધી અન્ય મેચોની વાત કરીએ તો ભારતીય પુરૂષ ટીમ ઘાના પછી તેની આગામી મેચમાં CWG યજમાન અને છેલ્લી વખતની બ્રોન્ઝ મેડલ વિજેતા ઈંગ્લેન્ડ સામે ટકરાશે. આ મેચ પહેલી ઓગસ્ટના રોજ રમાશે. ટીમ ઈન્ડિયાની ત્રીજી મેચ કેનેડા (3 ઓગસ્ટ) અને વેલ્સ (4 ઓગસ્ટ) ટીમ સામે છે. મેન્સ ઈવેન્ટની સેમિફાઈનલ મેચ 6 ઓગસ્ટના રોજ અને ફાઈનલ મેચ 8 ઓગસ્ટના રોજ રમાશે.
Schedule for @birminghamcg22 is OUT!
Both the women’s and the men’s competitions will begin on Friday 29 July, 2022
More details: https://t.co/LExOrFzYYe
Visit the link below for the detailed schedule 👇#B2022 #Birmingham2022
— International Hockey Federation (@FIH_Hockey) March 9, 2022
જ્યાં સુધી મહિલાઓ ટીમની વાત છે, ત્યાર સુધી ભારતને પૂલ Aમાં રાખવામાં આવ્યું છે, જ્યાં તેની સાથે યજમાન ઈંગ્લેન્ડ, કેનેડા, વેલ્સ અને ઘાના છે. જેમ કે પુરુષોના જૂથની જેમ ઘાના બાદ ભારતની મહિલા ટીમ બીજી મેચ વેલ્સ (30 જુલાઈ), ઈંગ્લેન્ડ (2 ઓગસ્ટ) અને કેનેડા (3 ઓગસ્ટ) સામે થશે. મહિલાઓની સેમિફાઈનલ મેચ 5 ઓગસ્ટના રોજ અને ફાઈનલ મેચ 7 ઓગસ્ટના રોજ રમાશે. નોંધનીય છે કે પુરૂષ અને મહિલા બંને વિભાગમાં દરેક પૂલમાંથી ટોચની બે ટીમો સેમિફાઈનલમાં પ્રવેશ કરશે.
એશિયન ગેમ્સ પર ખાસ ધ્યાન
હોકી ઈન્ડિયાનું સંપૂર્ણ ધ્યાન આ વખતે એશિયન ગેમ્સ પર છે અને આ જ કારણ છે કે અગાઉ ફેડરેશન CWG 2022 માટે ટીમો મોકલવાનું વિચારી રહ્યું ન હતું. એશિયન ગેમ્સનું મહત્વનું કારણ એ છે કે તે પેરિસ ઓલિમ્પિક્સ 2024 માટે ક્વોલિફાઈંગ ટુર્નામેન્ટ છે. CWG પછી તરત જ એશિયન ગેમ્સ હેંગઝોઉમાં યોજાવાની છે. બે ઈવેન્ટ વચ્ચે માત્ર 32 દિવસનું અંતર છે અને હોકી ઈન્ડિયા એશિયન ગેમ્સ માટે તેના મુખ્ય ખેલાડીઓને તાજા રાખવા માંગે છે. પરંતુ ભારતીય ઓલિમ્પિક સંઘ અને રમત મંત્રાલયની દરમિયાનગીરી બાદ A ટીમો મોકલવાનો નિર્ણય લેવામાં આવ્યો હતો.
આ પણ વાંચો : ICC Test Ranking: રવિન્દ્ર જાડેજાએ કરી કમાલ, 2017 બાદ ફરીવાર ટેસ્ટ ઓલરાઉન્ડ નંબર 1 બન્યો
આ પણ વાંચો : ICC Women’s World Cup: રોમાંચક મેચમાં વેસ્ટ ઈન્ડિઝે ફરી જીત મેળવી, ઈંગ્લેન્ડ સામે ઐતિહાસિક જીત મેળવી