ખેલો ઈન્ડિયા યુથ ગેમ્સ 2022 મધ્યપ્રદેશમાં 30 જાન્યુઆરીથી 11 ફેબ્રુઆરી સુધી વિવિધ શહેરોમાં ચાલી રહ્યું છે. આ ખેલો ઈન્ડિયા યુથ ગેમ્સના દસ દિવસ બાદ ગુજરાત માટે મહત્વના સમાચાર સામે આવ્યા છે. ગુજરાતના ખેલાડીઓએ ખેલો ઈન્ડિયા યુથ ગેમ્સની પાંચમી સિઝનમાં મેડલ જીતવામાં વધુ એક સફળતા મેળવી છે. ગુજરાતના યુવા ખેલાડીઓ એક પછી એક મેડલ જીતી રહ્યાં છે.
ખેલો ઈન્ડિયા સ્પર્ધામાં કુલ 27 રમતોનું આયોજન કરવામાં આવ્યું છે. ખાસ વાત એ છે કે આ સ્પર્ધામાં પાંચ સ્વદેશી રમતો મલખમ, થનગાટા, ગતકા, યોગાસન અને કલારીપયટ્ટુનો પણ સમાવેશ કરવામાં આવ્યો છે. જણાવી દઈએ કે મધ્યપ્રદેશમાં આ ખેલો ઈન્ડિયા યુથ ગેમ્સ 11 ફેબ્રુઆરી, 2023 સુધી રમાશે.
ખેલો ઈન્ડિયા યુથ ગેમ્સ 2022માં ગુજરાતના મંદિપસિંહ ગોહિલે ફેન્સીંગ રમતમાં બ્રોન્ઝ મેડલ જીત્યો હતો. ગુજરાત માટે આ ખેલો ઈન્ડિયા યુથ ગેમ્સનો 7મો બ્રોન્ઝ મેડલ હતો.
10માં દિવસની રમત બાદ ગુજરાત ટીમના ખાતામાં 1 ગોલ્ડ મેડલ, 6 સિલ્વર મેડલ અને 7 બ્રોન્ઝ મેડલ સાથે કુલ 14 મેડલ છે. આ 14 મેડલ સાથે ગુજરાતની ટીમ મેડલ ટેલીમાં 20માં સ્થાને છે.
Check out the Medal Tally of Day 🔟 of #KheloIndia Youth Games 2022 👇#KIYG2022 #KheloIndiaInMP@yashodhararaje pic.twitter.com/RrXyNo91gc
— Khelo India (@kheloindia) February 8, 2023
મેડલ ટેલીમાં મહારાષ્ટ્ર રાજ્ય સૌથી વધારે મેડલ સાથે ટોપ પર છે. મહારાષ્ટ્ર 39 ગોલ્ડ, 39 સિલ્વર, 34 બ્રોન્ઝ આમ કુલ 112 મેડલ સાથે પ્રથમ ક્રમે છે. હરિયાણા રાજ્ય 28 ગોલ્ડ, 22 સિલ્વર અને 25 બ્રોન્ઝ આમ કુલ 75 મેડલ સાથે બીજા ક્રમે છે. યજમાન રાજ્ય મધ્યપ્રદેશ કુલ 63 મેડલ સાથે ત્રીજા સ્થાને છે.
Schedule | Day 11 | #KheloIndia Youth Games 2022#KIYG2022 #KheloIndiaInMP@yashodhararaje pic.twitter.com/XJQYGeZZJj
— Khelo India (@kheloindia) February 8, 2023
ખેલો ઈન્ડિયા યુથ ગેમ્સના આજે 11માં દિવસે સાયકલિંગ, જુડો, સ્વિમિંગ, મલખમ, ટેનિસ અને કબડ્ડી જેવી મહત્વપૂર્ણ રમતો રમાશે. ગુજરાતના ખેલાડીઓ આ મેચોમાં વધારે મેડલ જીતવા માટે ઉતરશે.
6 ફેબ્રુઆરીના રોજ ગુજરાતે એથલિટસમાં 1 અને જિમ્નેસ્ટિક્સમાં 4 મેડલ જીત્યા હતા. તમને જાણીને નવાઈ લાગશે કે આ તમામ મેડલ ગુજરાતની દીકરીઓએ જીત્યા હતા. લક્ષિતા સાંડિલ્યા એ ફરી ગુજરાતને મેડલ અપાવ્યો હતો. તેણે આ વખતે 800 મીટર દોડમાં સિલ્વર મેડલ જીત્યો હતો. જિમ્નેસ્ટિક્સમાં ગુજરાતની 2 દીકરીઓએ ગુજરાતને આજે 4 મેડલ અપાવ્યા હતા, જેમાંથી દિયા ઠાકોરે 3 સિલ્વર મેડલ અને નિશિ ભાવસારે એક ગોલ્ડ મેડલ જીત્યો હતા.
બોક્સિંગમાં 70 કિલોગ્રામની કેટેગરીમાં ગુજરાતની દીકરી વિશ્વકર્મા પૂજા સતપાલે બ્રોન્ઝ મેડલ જીત્યો હતો. આ કેટેગરીમાં હરિયાણાની ખેલાડીએ બાજી મારીને ગોલ્ડ મેડલ જીત્યો છે. વિશ્વકર્મા પૂજા સતપાલે ગુજરાતના આ ટુર્નામેન્ટમાં ત્રીજો મેડલ જીતાડયો હતો.
હાલમાં શુક્રવારે ગુજરાત અને હરિયાણાની પુરુષ વોલીબોલ ટીમ વચ્ચે ફાઈનલ મેચ રમાઈ હતી. આ ફાઈનલ મેચમાં પરાજય થતા ગુજરાતની ટીમે સિલ્વર મેડલથી સંતોષ મેળવવો પડ્યો હતો. આ પહેલા સેમી ફાઈનલમાં ગુજરાતની પુરુષ વોલીબોલ ટીમે ઉત્તરપ્રદેશની ટીમને હરાવી હતી.
ગુજરાતની લક્ષિતા સાંડિલ્યાએ ગર્લ્સ 1500 મીટર રનમાં બ્રોન્ઝ મેડલ જીત્યો હતો. તે 4.45.51ના સમય સાથે ત્રીજા સ્થાને રહી હતી.
Published On - 8:11 am, Thu, 9 February 23