Germany Open Badminton: પીવી સિન્ધુ અને શ્રીકાંત ભારતીય ટીમની આગેવાની કરશે

મંગળવારથી શરૂ થતી જર્મની ઓપન સુપર 300 બેડમિન્ટન ટુર્નામેન્ટમાં બે વખતની ઓલિમ્પિક મેડલ વિજેતા પીવી સિંધુ (PV Sindhu), વર્લ્ડ ચેમ્પિયનશિપ મેડલ વિજેતા કિદામ્બી શ્રીકાંત (Kidambi Srikant) અને લક્ષ્ય સેન ભારતીય પડકારનું નેતૃત્વ કરશે. પીવી સિંધુએ સૈયદ મોદી ઇન્ટરનેશનલ ટૂર્નામેન્ટનું ટાઇટલ જીત્યું હતું, જ્યારે લક્ષ્ય સેને જાન્યુઆરીમાં પહેલીવાર ઇન્ડિયા ઓપન સુપર 500 ટૂર્નામેન્ટનું ટાઇટલ જીત્યું હતું. શ્રીકાંત જોકે વર્લ્ડ ચેમ્પિયનશિપમાં મેડલ જીત્યા બાદ કોરોનાને કારણે ઈન્ડિયા ઓપનમાંથી બહાર થઈ ગયો હતો. વર્લ્ડ ચેમ્પિયનશિપ 2019માં ગોલ્ડ મેડલ બાદ સિંધુને લખનૌમાં 2022ની સૈયદ મોદી ટૂર્નામેન્ટ સુધી ટાઈટલ માટે રાહ જોવી પડી હતી.

આ ટાઇટલથી કદાચ થોડું દબાણ હળવું થયું હશે પરંતુ પીવી સિંધુ જાણે છે કે તેણે યુરોપિયન સ્ટેજમાં તેનું શ્રેષ્ઠ પ્રદર્શન કરવું પડશે કારણ કે કોમનવેલ્થ ગેમ્સ અને એશિયન ગેમ્સના કાર્યક્રમ સાથે આ વ્યસ્ત વર્ષ છે. સાતમી ક્રમાંકિત પીવી સિંધુ તેના અભિયાનની શરૂઆત વિશ્વમાં નંબર 11 થાઈલેન્ડની બુસાનન ઓંગબામરુંગફાન સામે કરશે.

,

shuttlers on their way for European leg starting with #GermanOpen2022 followed by #AllEngland2022

Send your wishes ⬇️#IndiaontheRise#BWFWorldTour#Badminton pic.twitter.com/QZl0e0f40Y

— BAI Media (@BAI_Media) March 6, 2022

સારા ફોર્મમાં રહેલા લક્ષ્ય સેને તકનો ભરપૂર ફાયદો ઉઠાવ્યો છે. તેણે સ્પેનના હ્યુએલવામાં બ્રોન્ઝ મેડલ જીત્યો અને પછી જાન્યુઆરીમાં ઈન્ડિયા ઓપનનું ટાઈટલ જીત્યું. ગયા મહિને મલેશિયામાં એશિયન ટીમ ચેમ્પિયનશિપમાં ભારતીય અભિયાનમાં પ્રભાવશાળી પ્રદર્શન કરનાર તે એકમાત્ર ખેલાડી હતો. પ્રથમ રાઉન્ડમાં થાઈલેન્ડની કેન્ટાફોન વાંગચરોન સામે રમવાનું લક્ષ્ય છે. બીજી તરફ, કોરોનાના કારણે ઈન્ડિયા ઓપનમાંથી બહાર થઈ ગયેલા શ્રીકાંતે આ ઈન્ફેક્શનમાંથી સાજા થયા બાદ ટ્રેનિંગ શરૂ કરી દીધી છે.

આઠમી ક્રમાંકિત ભારતીય ખેલાડી તેની પ્રથમ મેચમાં ફ્રાન્સના બ્રાઇસ લેવરડેઝ સામે ટકરાશે. કોરોનામાંથી સાજા થયા પછી, એચએસ પ્રણોયે વર્લ્ડ ચેમ્પિયનશિપ, ઈન્ડિયા ઓપન અને સૈયદ મોદી ઈન્ટરનેશનલના રૂપમાં સતત ત્રણ ટૂર્નામેન્ટમાંથી છેલ્લા આઠમાં જગ્યા બનાવી છે. તેણે જર્મની ઓપનના પ્રથમ રાઉન્ડમાં સાતમી ક્રમાંકિત એનજી કા લોંગ એંગસ તરફથી સખત પડકારનો સામનો કરવો પડશે.

લંડન ઓલિમ્પિક બ્રોન્ઝ મેડલ વિજેતા સાયના નેહવાલ (Saina Nehwal), જે છેલ્લા કેટલાક સમયથી ઈજા અને બીમારીથી પરેશાન છે, તે સિંગાપોરની યેઓ જિયા મિન સામે તેના અભિયાનની શરૂઆત કરશે. ભૂતપૂર્વ કોમનવેલ્થ ગેમ્સ ચેમ્પિયન પારુપલ્લી કશ્યપ ઈજા બાદ સંપૂર્ણ ફિટનેસમાં સ્વસ્થ થઈ ગયો છે, તેનો પ્રથમ રાઉન્ડમાં થાઈલેન્ડના યુવા સ્ટાર કુનલાવત વિતિદાસર્ન સામે ટકરાશે.

આ પણ વાંચો : IPL ના કારણે ન્યુઝીલેન્ડ આ દેશ સામે નહીં રમે ક્રિકેટ, જાણો સમગ્ર માહિતી

આ પણ વાંચો : હાર્દિક પંડ્યાને લઇને BCCI નું સખત વલણ, IPL પહેલા NCA પહોંચવા આદેશ આપ્યો