FIFA World Cup: પોલેન્ડે રશિયાને આપ્યો ઝટકો, વર્લ્ડ કપ ક્વોલિફાયર રમવાની ના પાડી

પોલેન્ડ ફૂટબોલ મહાસંઘ (Polish Football Federation) ના અધ્યક્ષે શનિવારે કહ્યું કે યુક્રેન પર રશિયાના આક્રમણના વિરોધમાં પોલેન્ડ આવતા મહિને રશિયા સામે પોતાની ફૂટબોલ વર્લ્ડ કપ (FIFA World Cup 2022) ક્વોલિફાયર મેચ નહીં રમે. મહાસંઘના અધ્યક્ષ સેજરી કુલેજાએ ટ્વિટર પર એ જાહેરાત કરીને સંકેત આપ્યા કે પોલેન્ડ આ કેસમાં અન્ય મહાસંઘો સાથે વાત કરી ફીફા સામે એકજુટતા દેખાડવાનો પ્રયાસ કરશે. કુલેજાએ કહ્યું કે કોઇ શબ્દ નહીં, આ કાર્યવાહીનો સમય છે.

તેણે વધુમાં કહ્યું કે ફૂટબોલ મહાસંઘે આ પગલું આક્રમકતા (રશિયા તરફથી) વધારવાના કારણે લેવું પડ્યું છે. તેના ટ્વિટ બાદ પોલેન્ડ તરફથી સૌથી વધુ ગોલ કરનાર સ્ટ્રાઇકર રોબર્ટ લેવાંડોવસ્કી (Robert Lewandowski) એ લખ્યું, “આ સાચો નિર્ણય છે.” જર્મનીના બાયર્ન મ્યુનિખ ક્લબના આ સ્ટાર ખેલાડીએ ટ્વિટર પર કહ્યું, “હું આવી સ્થિતિમાં રશિયાની રાષ્ટ્રીય ટીમ સાથે મેચ રમવાની કલ્પના કરી શકતો નથી, જ્યારે યુક્રેનમાં યુદ્ધ ચાલી રહ્યું છે.”

24 માર્ચના રોજ રમાવવાની હતી મેચ

તેણે વધુમાં કહ્યું કે, “રશિયાની ફૂટબોલ ટીમના ખેલાડીઓ અને પ્રશંસકો તેના માટે જવાબદાર નથી. પણ અમે દેખાવો કરી નથી શકતા કે કઇ પણ નથી થઇ રહ્યું.” નક્કી કરેલ કાર્યક્રમ પ્રમાણે પોલેન્ડ અને રશિયા વચ્ચે ક્વોલિફાય પ્લેઓફ સેમિ ફાઇનલની મેચ મોસ્કોમાં 24 માર્ચે રમાવાની છે. આ મેચમાં વિજેતાને સ્વીડન અને ચેક ગણરાજ્ય વચ્ચે રમાનાર સેમિ ફાઇનલની વિજેતા ટીમ સામે રમાવું રહેશે. ક્વોલિફાયર જીતનાર ટીમ કતારમાં રમાનાર વર્લ્ડ કપ માટે ક્વોલિફાય કરશે.

આ પણ વાંચો : Ind Vs SL: ભારત સામે શ્રીલંકાએ 184 રનનુ લક્ષ્ય રાખ્યુ, પથુમ નિશંકાની ફીફટી, શનાકાની આક્રમક રમત

આ પણ વાંચો : IPL 2022: મહેન્દ્રસિંહ ધોની જોવા મળ્યો નવા અવતારમાં, જોઇને ચાહકો પણ દંગ રહી ગયા, જુઓ Video