ફુટબોલનું વર્લ્ડ ચેમ્પિયન કોણ હશે. જેનો જવાબ આવનાર થોડા દિવસમાં જ થઈ જશે. 8 ટીમ વર્લ્ડ ચેમ્પિયન બનવાનું સ્વપ્ન જોઈ રહી છે પરંતુ આ 8 ટીમમાંથી કઈ 4 ટીમ ટ્રોફીની નજીક પહોંચી શકશે તે માટેનો જંગ શુક્રવારથી શરુ થશે. ફિફા વર્લ્ડકપમાં આજે 2 ક્વાર્ટર ફાઈનલ મેચ રમાશે. દિવસની પ્રથમ મેચ સ્ટાર ટીમ બ્રાઝીલ અને ગત્ત વખતની રનરઅપ ટીમ ક્રોએશિયા આમને-સામને હશે. બીજી મેચ મોડી રાત્રે નેધરલેન્ડ અને આર્જેન્ટિના વચ્ચે રમાશે.
બ્રાઝિલ અને ક્રોએશિયા વચ્ચેની ટક્કરની વાત કરીએ તો ક્રોએશિયાની સાથે 4 મેચમાં બ્રાઝીલની ટીમ એક વખત પણ હારી નથી. 3 મેચ બ્રાઝીલે જીતી અને 1 મેચ ડ્રો રહી હતી. તો ક્રોએશિયાએ સાઉથ અમેરિકન ટીમ વિરુદ્ધ પોતાના 5 વર્લ્ડકપ મેચમાંથી 4માં હારી છે. બીજા દિવસની મેચમાં તમામ લોકોની નજર આર્જિન્ટિના અને નેધરલેન્ડ વચ્ચે રમાશે. બંન્ને ટીમ વર્લ્ડકપમાં 6ઠ્ઠી વખત આમને -સામને ટક્કરાશે. આર્જિન્ટિના વિરુદ્ધ 9 મેચમાંથી નેધરલેન્ડ માત્ર એક જ મેચ હારી છે.
FIFA WCમાં ક્યારે, ક્યાં અને કઈ રીતે તમામ મેચ જોઈ શકશો ?
ફિફા વર્લ્ડકપ 2022ની ક્વાર્ટર ફાઈનલમાં આજે 2 મેચ રમાશે. પ્રથમ મેચ ક્રોએશિયા અને બ્રાઝીલ વચ્ચે રમાશે. જ્યારે દિવસની બીજી મેચ નેધરલેન્ડ અને આર્જિન્ટિનાની ટીમ આમને-સામને થશે.
ભારતીય સમય અનુસાર આજે રાત્રે બંન્ને મેચ રમાશે. ક્રોએશિયા અને બ્રાઝીલ વચ્ચે રાત્રે 08:30 કલાકે મેચ શરુ થશે, તો નેધરલેન્ડ અને આર્જિન્ટિના વચ્ચે બીજી મેચ મોડી રાત્રે 12 કલાકે શરુ થશે.
ફિફા વર્લ્ડકપમાં આજે બંન્ને મેચનું લાઈવ ટેલીકાસ્ટ Sports18 અને Sports18 HD પર થશે.
ફિફા વર્લ્ડકપની મેચનું લાઈવ સ્ટ્રીમિંગ જીયો સિનેમા એપ પર કરવામાં આવશે.