Brazil Vs Switzerland : વર્લ્ડકપમાં બ્રાઝિલની સતત બીજી જીત, પ્રી ક્વાર્ટર ફાઈનલમાં પહોંચી દુનિયાની નંબર 1 ટીમ
FIFA World cup 2022 Brazil Vs Switzerland match Result : ફિફા વર્લ્ડ રેકિંગની વાત કરીએ તો બ્રાઝિલની ટીમ આ યાદીમાં પ્રથમ સ્થાને છે, જ્યારે સ્વિટ્ઝલેન્ડની ટીમ આ યાદીમાં 15માં સ્થાને છે.
આજે કતારના સ્ટેડિયમ 974માં આજે બ્રાઝિલ અને સ્વિટ્ઝલેન્ડની ફૂટબોલ ટીમ વચ્ચે મેચ રમાઈ હતી. ગ્રુપ Gની ટીમો વચ્ચેની આ મેચ રોમાંચક રહી હતી. આ મેચ ફિફા વર્લ્ડકપ 2022ની 31મી મેચ હતી. આ મેચમાં પ્રથમ હાફમાં એક પણ ગોલ થયો ન હતો. બીજા હાફમાં 1 ગોલ કરીને બ્રાઝિલની ટીમે આ મેચમાં જીત મેળવી હતી.ફિફા વર્લ્ડ રેકિંગની વાત કરીએ તો બ્રાઝિલની ટીમ આ યાદીમાં પ્રથમ સ્થાને છે, જ્યારે સ્વિટ્ઝલેન્ડની ટીમ આ યાદીમાં 15માં સ્થાને છે.
ફિફા વર્લ્ડકપ 2022માં હમણા સુધી 31 મેચ રમાઈ છે. જેમાં 9 મેચ ડ્રો રહી છે. આ મેચોમાં 3 મેચ 1-1ના સ્કોરથી ડ્રો રહી છે. જ્યારે બાકીની મેચ એક પણ ગોલ વિના ડ્રો રહી છે. જયારે આ મેચ 3-3 થી ડ્રો રહી હતી. ફિફા વર્લ્ડકપ 2022માંથી યજમાન દેશ 2 મેચમાં હાર સાથે જ બહાર થઈ ગઈ છે. વર્લ્ડકપમાં સતત 2 મેચ જીતીને ડિફેન્ડિગ ચેમ્પિયન ટીમ ફ્રાન્સ પ્રી કવાર્ટર ફાઈનલમાં પહોંચનાર પહેલી ટીમ બની છે. કેનાડાની ટીમ પણ આ ફિફા વર્લ્ડકપમાંથી બહાર થઈ ચૂકી છે.
આ વર્લ્ડકપનો ત્રણ મોટા અપર્સેટ સર્જાઈ ચૂક્યા છે. પહેલા સાઉદી અરેબિયા એ આર્જેન્ટિનાની ટીમને જ્યારે જાપાનની ટીમે જર્મનીને હરાવીને મોટા અપર્સેટ સર્જયા હતા. ત્યાર બાદ મોરોક્કોની ટીમે વર્લ્ડ રેંકિગમાં બીજા નંબરની ટીમ બેલ્જિયમને હરાવી વર્લ્ડકપનો ત્રીજો સૌથી મોટો અપર્સેટ સર્જયો હતો.
વર્લ્ડકપમાં બ્રાઝિલની સતત બીજી જીત
🎟 Brazil have booked their ticket to the Round of 16@adidasfootball | #FIFAWorldCup
— FIFA World Cup (@FIFAWorldCup) November 28, 2022
🇧🇷🥳#FIFAWorldCup | #Qatar2022 pic.twitter.com/Q5wQsatvgR
— FIFA World Cup (@FIFAWorldCup) November 28, 2022
બ્રાઝિલની ટીમ આજે તેના સ્ટાર ફૂટબોલર નેમાર વગર મેદાન પર ઉતરી હતી. નેમાર ઈજાને કારણે આ મેચમાંથી બહાર થયો હતો. મેચની 80 મિનિટ સુધી એક પણ ગોલ ન થતા મેચ ડ્રો તરફ જઈ રહી હતી. પણ બ્રાઝિલના ખેલાડી કાસેમીરો એ 83મી મિનિટે ગોલ કરીને ટીમને જીત અપાવી હતી.
બ્રાઝિલનો રેકોર્ડ છે કે તે છેલ્લી 17 ગ્રુપ સ્ટેજની વર્લ્ડકપ મેચમાં હાર્યું નથી. બ્રાઝિલ છેલ્લે 1998માં ગ્રુપ સ્ટેજમાં નોર્વે સામે 2-1 થી હાર્યું હતુ. કાસેમીરો માન્ચેસ્ટર યુનાઈટેડ કલબનો પ્રથમ ખિલાડી બન્યો જેણે બ્રાઝિલ માટે વર્લ્ડ કપમાં ગોલ કર્યો. આ તેનો પ્રથમ વર્લ્ડ કપ ગોલ હતો. વર્લ્ડકપમાં બ્રાઝિલના છેલ્લા 10માંથી 9 ગોલ બીજા હાફમાં થયા છે.
ફિફા વર્લ્ડકપ 2022ની પ્રથમ મેચમાં બ્રાઝિલની ટીમે સર્બિયા સામે 2-0થી જીત મેળવી હતી. સ્વિટ્ઝલેન્ડની ટીમે પોતાની પ્રથમ મેચમાં કેમરુન સામે 1-0થી જીત મેળવી હતી.આજની મેચમાં જીત મેળવીને બ્રાઝિલની ટીમ ફિફા વર્લ્ડકપ 2022ના પ્રી કવાર્ટર ફાઈનલમાં પહોંચનાર બીજી ટીમ બની છે. આ પહેલા ફ્રાન્સની ટીમ ફિફા વર્લ્ડકપ 2022ની પ્રી કવાર્ટર ફાઈનલમાં પહોંચનાર પહેલી ટીમ બની હતી.
બ્રાઝિલ અને સ્વિટ્ઝલેન્ડ વચ્ચેની મેચનો ઘટના ક્રમ
આ હતી બ્રાઝિલ અને સ્વિટ્ઝલેન્ડની ટીમો
Coming up next, it’s 🇧🇷🆚🇨🇭#FIFAWorldCup | #Qatar2022
— FIFA World Cup (@FIFAWorldCup) November 28, 2022
ગ્રુપ Gનું પોઈન્ટ ટેબલ
ફિફા વર્લ્ડકપમાં 32 ટીમો એક ટ્રોફી જીતવા માટે 20 નવેમ્બરથી 18 ડિસેમ્બર, 2022 વચ્ચે મેદાન પર ઉતરી છે. 28 દિવસ સુધી આ ફૂટબોલ મહાકુંભ રમાશે. 32 ટીમોના 832થી વધારે ખેલાડીઓ મેદાન પર પોતાની ટીમને જીતાડવા માટે ઉતર્યા છે. ફિફા વર્લ્ડકપ દરમિયાન 90થી વધારે ઈન્ટરનેશનલ ઈવેન્ટ્સ યોજાશે, જેમાં 100થી વધારે ઈન્ટરનેશનલ આર્ટિસ્ટના પર્ફોમન્સ થશે. કતારના 8 ભવ્ય સ્ટેડિયમમાં 64 મેચો રમાશે. ફિફા વર્લ્ડકપ 2022ના અંતે 3585 કરોડની ઈનામી રકમ અલગ અલગ ટીમોને તેમના પ્રદર્શન મુજબ આપવામાં આવશે.
ફિફા વર્લ્ડકપ 2022ના 8 ગ્રુપમાં વિભાજીત થઈ 32 ટીમો
ગ્રુપ A: કતાર, એક્વાડોર, સેનેગલ, નેધરલેન્ડ ગ્રુપ B: ઈંગ્લેન્ડ, ઈરાન, યુએસએ, વેલ્સ ગ્રુપ C: આર્જેન્ટિના, સાઉદી અરેબિયા, મેક્સિકો, પોલેન્ડ ગ્રુપ D : ફ્રાન્સ, ઓસ્ટ્રેલિયા, ડેનમાર્ક, ટ્યુનિશિયા ગ્રુપ E: સ્પેન, કોસ્ટા રિકા, જર્મની, જાપાન ગ્રુપ F: બેલ્જિયમ, કેનેડા, મોરોક્કો, ક્રોએશિયા ગ્રુપ G: બ્રાઝિલ, સર્બિયા, સ્વિટ્ઝર્લેન્ડ, કેમરૂન ગ્રુપ H: પોર્ટુગલ, ઘાના, ઉરુગ્વે, દક્ષિણ કોરિયા
ફિફા વર્લ્ડકપ 2022 માટે કતારના 8 સ્ટેડિયમ
1. અલ બાયત સ્ટેડિયમ 2. લુસેલ સ્ટેડિયમ 3. અહમદ બિન અલી સ્ટેડિયમ 4. અલ જાનુબ સ્ટેડિયમ 5. અલ થુમામા સ્ટેડિયમ 6. એજ્યુકેશન સિટી સ્ટેડિયમ 7. ખલીફા ઇન્ટરનેશનલ સ્ટેડિયમ 8. સ્ટેડિયમ 974
Published On - 11:25 pm, Mon, 28 November 22