દોહામાં આજથી Diamond League શરૂ, જાણો તમે ક્યાં, ક્યારે અને કેવી રીતે જોઈ શકશો નીરજ ચોપરાની ઈવેન્ટ

ઓલિમ્પિક ચેમ્પિયન નીરજ ચોપરા ફરી એકવાર પોતાનું પરાક્રમ બતાવવા માટે તૈયાર છે. તેણે શુક્રવારથી શરૂ થનારી ડાયમંડ લીગના દોહા લેગ માટે તૈયારી કરી લીધી છે. આ સાથે નીરજ પણ તેની સિઝન શરૂ કરશે. નીરજ પ્રથમ વખત ડાયમંડ લીગ ચેમ્પિયન તરીકે પ્રવેશ કરશે. દોહામાં તે વિશ્વ ચેમ્પિયન એન્ડરસન પીટર્સ અને ટોક્યો ઓલિમ્પિક સિલ્વર મેડલ વિજેતા યાકુબ વાલાચના પડકારોને પાર કરવાનો પ્રયાસ કરશે.

આ પડકારો સાથે, નીરજ દોહામાં 90 મીટરનો આંકડો પાર કરવાની પણ નજર રાખે છે, જેના માટે તે સતત પ્રયાસ કરી રહ્યો છે. જો નીરજ દોહામાં 90નો આંકડો પાર કરશે તો તે તેનું સર્વશ્રેષ્ઠ પ્રદર્શન હશે. અત્યારે તેનું સર્વશ્રેષ્ઠ 89.94 મીટર છે. જે એક રાષ્ટ્રીય રેકોર્ડ પણ છે.

ક્યાં જોઈ શકશો લીગનું લાઈવ પ્રસારણ

દોહા ડાયમંડ લીગ 2023 ભારતમાં Sports18 1 અને Sports18 1 HD ચેનલો પર લાઈવ પ્રસારણ કરવામાં આવશે. આ સાથે જ આ ઈવેન્ટનું લાઈવ સ્ટ્રીમિંગ Jio સિનેમા એપ અને તેની વેબસાઈટ પર પણ ઉપલબ્ધ હશે. નીરજ ચોપરાનો કાર્યક્રમ ભારતીય સમય અનુસાર 5 મે (શુક્રવાર)ના રોજ રાત્રે 10.14 વાગ્યે શરૂ થશે.

ઝ્યુરિચમાં ઇતિહાસ રચાયો હતો

ગયા વર્ષે નીરજ ફિટનેસના કારણે દોહામાં પહોંચી શક્યો ન હતો, પરંતુ તે પછી તેણે જબરદસ્ત વાપસી કરી અને ઝ્યુરિચમાં ફાઈનલ જીતીને ઈતિહાસ રચ્યો. નીરજ ડાયમંડ લીગ ટાઈટલ જીતનાર પ્રથમ ભારતીય બન્યો. 2018માં, નીરજ દોહામાં 87.43 મીટરના સ્કોર સાથે ચોથા સ્થાને રહ્યો હતો.

આ પણ વાંચો : IPL 2023: 3 ઓવરમાં જ મેચ પલટી દઈ હૈદરાબાદના મોંએ આવેલો કોળીયો છીનવી લેનારા મિસ્ટ્રી સ્પિનરના મોત માટે પ્રાર્થના કરી હતી!

નીરજની નજર 90 પર

ભારતીય સ્ટારે લીગની શરૂઆત પહેલા કહ્યું હતું કે દોહા ડાયમંડ લીગ તેની આ સીઝનની પ્રથમ સ્પર્ધા છે અને તેને સખત સ્પર્ધા મળવાની છે. તેનું વિઝન 90 મીટર સુધી પહોંચવાનું છે. ગયા વર્ષે, તે માત્ર 6 સે.મી.ના અંતર સાથે રહી ગયો હતો. નીરજે કહ્યું કે દોહા 90 મીટર માટે ખૂબ પ્રખ્યાત છે.

નીરજ સામે પડકારો

એન્ડરસન પીટર્સ – વર્લ્ડ ચેમ્પિયન જેકબ વોલાચ – ઓલિમ્પિક સિલ્વર મેડલિસ્ટ જુલિયન વેબર – યુરોપિયન ચેમ્પિયન કેશોર્ન વોલકોટ – ઓલિમ્પિક ચેમ્પિયન જુલિયસ યેગો – ઓલિમ્પિક સિલ્વર મેડલિસ્ટ

રમત ગમતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

રમતગમતના તાજા સમાચાર, IPL 2023, ફૂટબોલ, ટેનિસ, ક્રિકેટ સાથે જોડાયેલા તમામ સમાચાર જાણવા માટે જોડાયેલા રહો…